Abendura arte izango dira lansaio jarraituak Nafarroako ikastetxeetan
Nafarroako Gobernuak covid-19ari aurre egiteko neurri murriztaile gehienak kendu berri ditu eta hezkuntza sektorean ere gauza bera egiteko asmoa duela baieztatu du, berehala izango ez bada ere.
Maria Chivite presidenteak lasaitasunerako deia egin du eta murrizketak arintzeko prozesua "lasterketa bat" ez dela adierazi du.
"Helburua ez da lehenak izatea. Orain arteko bideari eutsiko diogu. Orain arte osasun egoerari buruzko datuen arabera hartu ditugu erabakiak eta aurrerantzean ere horrela egingo dugu", azpimarratu du.
Chivitek azaldu duenez, ikastetxeetan neurriak gehiago arindu aurretik, umeak txertatuta egotea nahi dutela eta pandemiaren bilakaera zein den ikusi nahi dutela. "Hilabete gutxitan zerbait gehiago jakingo dugula suposatzen dut", erantsi du.
"Azaroan Lurraldeen arteko Kontseilua berriro bilduko da eta orduan jakingo dugu zein neurri arindu daitezkeen", adierazi du. Dena ondo bidean, murrizketak abenduan kendu daitezkeela iradoki du. Edonola ere, "ordutegi jarraitua kentzea eta egun osoko lanaldira bueltatzea beste aukerarik ez dago mahai gainean", zehaztu du.
Patioan musukoa derrigorrez erabiltzeko aginduaren harira, Chivitek esan du Gobernuak irizpide orokorrak ezartzen dituela eta ondoren hezkuntza komunitateari dagokiola protokoloak xehetasun guztiekin lantzea.
"Atzo urrats bat eman genuen. Datuak aztertzen jarraituko dugu eta ikusiko dugu zer egiten dugun aurrerago. Baina kontuan hartu behar da haurrak oraindik txertatu gabe daudela. Honekin ez dut esan nahi umeak larri gaixotzeko arriskuan daudenik, baina birusa transmititu dezakete", ohartarazi du.
Gauzak horrela, Nafarroako Gobernuko presidenteak lasaitasuna eskatu du eta berretsi du bere asmoa neurri murriztaileak arintzea dela, baita hezkuntza sektorean ere.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.