Futbol zelaietan edukiera % 100ekoa izatea adostu du Lurraldearteko Osasun Batzordeak
Futbol zelaietan edukierari ezarritako mugak bertan behera uztea adostu dute Osasun Ministerioak eta autonomia erkidegoek Lurraldearteko Osasun Batzordean, eta, hala, ostiraletik aurrera aire libreko futbol zelaietan aulki guztiak erabili ahalko dira. Halaber, saskibaloiko kantxa itxietan edukiera % 80koa izatea onartu du Lurraldearteko Osasun Batzordeak.
Eusko Jaurlaritza abstenitu egin da bozketan, eta ez ditu edukierak aldatuko LABIren Batzordeak bilera egin arte.
Gotzone Sagardui Osasun sailburuak Radio Euskadin azaldu duenez, erkidegoen eskumena da muga hori ezartzea; "zelaietan edukierak zein modutan mugatzen diren hemen erabakiko dugu", azpimarratu du.
Era berean, esan du erkidegoko edukierak egoera epidemiologikoaren arabera ezarriko direla. "Gehienezko edukiera hori ezartzean, 'horraino' horrek gehiago mugatzea ahalbidetzen digu", aurreratu du.
EAEn, kanpoaldeko gehienezko edukiera % 30etik % 60ra pasatu zen irailean, EAEko Justizia Auzitegi Nagusiak igotzea onartu ostean, egoera epidemiologikoak hobera egin zuela argudiatuta. Ebazpenak ez zien saskibaloi eta eskubaloi talde profesionalen gune itxiei nahiz pilotalekuei eragiten, edukiera zabaltzeko eskaera Futbol Liga Profesionalak egin baitzuen.
EAEn ez bezala, Nafarroan ostiral honetan sartuko dira indarrean neurriok, Maria Chivite Foru Erkidegoko presidenteak atzo iragarri baitzuen Lurraldearteko Batzordean hartutako erabakiak aplikatuko zituela.
Gainerako neurriak mantentzen dira
Osasun Ministerioak neurri ez farmakologikoei eusteko beharra azpimarratu du. Hala, ez da janaririk edo edaririk salduko, ezta haiek kontsumitzeko baimenik izango ere, eta ezingo da erre, ez barnealdeetan, ez kanpoaldeetan. Era berean, akordioak azpimarratzen du bereziki zainduko dela musukoaren derrigorrezko erabilera betetzen dela eta osasun jarraibideak errespetatzen direla.
Neurri hauek urriaren 1etik 31ra egongo dira indarrean, eta, ondoren, berriro aztertuko dute egoera.
Zure interesekoa izan daiteke
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.