Pentsiodunak eta Babestu kalera atera dira adinekoen egoitzetan zaintza duina eskatzeko
Bizkaiko Pentsiodunen Mugimenduak eta Babestu adinekoen egoitzetako egoiliarren senitartekoen elkarteak manifestazioa egin dute gaur Bilbon Adinekoen nazioarteko eguna dela eta. Erresidentzietako egoiliarrek merezitako zaintza duina aldarrikatu dute, "Eskubideak ez dira adinarekin iraungitzen" lelopean.
Ehunka lagun batu dituen manifestazioak Bilboko erdigunea zeharkatu du. "SOS zahar egoitzak eta zaintza", "Osakidetzan murrizketarik ez: inbertsio eta langile gehiago" edota "Zaintza duina. Menpekotasuna arretarako sare publiko unibertsala" bezalako leloak irakur zitezkeen pankartak eraman dituzte.
Martxa Bilboko Udaletxean abiatu da, eta Bizkaiko Foru Aldundiaren egoitzan bukatu. Bertan manifestua irakurri dute parte hartzaileek. Salatu dutenez, "kezka handia" dute "adinekoen egoitzetako, pribatuak zein publikoak, egoiliarren bizi baldintzek okerrera egin dutela eta" eta atzemandako "gabezi handiak" kritikatu dituzte. Asteon jakin da Donostiako Txara 1 zentroan irregulartasunak hauteman dituela Gipuzkoako Foru Aldundiak; langileek irregulartasun horiek orokorrak direla salatu dute.
Salaketa horien aurrean Foru Aldundiek eta Eusko Jaurlaritzak duten "diskurtso harroputzak" ere jomugan izan dituzte. Salatu dutenez, "zenbait administrazioren pribatizazioek eta irabazi-asmoek negozio eta irabazi eredu bat ekarri dute, errentagarritasun ekonomikoa bilatzen duten merkataritza irizpideetan oinarriturik". Horrek guztiak ez dio "zerbitzuen gizarte-eskariari erantzuten, ezta erabiltzaileen eta langileen beharrei ere".
Pandemiak egoera are gehiago kaskartu du eta egoitzak "isolamendu zentro" bihurtu ditu, eta "bertan pertsonen eskubideak urratzen jarraitzen dute", azpimarratu dute.
Babesturen ustez, "kartzelako sistema" da EAEko egoitzena
Komunikabideei egindako adierazpenetan, Iraide Urriz Babestuko bozeramaileak salatu du zahar egoitzetako batzuetako erabiltzaileek 15 hilabete daramatzatela "isolatuta", eta beste batzuetan senitartekoak astean hirutan bakarrik joan ahal direla bisitan, ordubetez.
"Kartzelako sistema bat da, jasangaitz bihurtu dena", adierazi du, eta "orain ez dagoen zaintza duina" galdegin du. Halaber, Gipuzkoako egoitzetan salatutako irregulartasunak Bizkaiko eta Arabako zentroetan ere gertatzen direla. Izan ere, gogorarazi duenez, langile kopuruari dagokionez, 1998an ezarritako ratio berak daudela gaur egun.
Jon Fanok ere (Bizkaiko Pentsiodunen Mugimendua) erresidentzietan bizi diren adinekoen egoera "latza" salatu du eta pentsio publiko duin eta kalitatezko batzuk eskatu ditu, beste behin.
Bilbon ez ezik, Gasteizen, Donostian eta Iruñean ere manifestazioak daude deituta gaurko.
Albiste gehiago gizartea
'Aita Mari' ontziak migratzaileak zeramatzaten bi ontzi lagundu ditu, Mediterraneo erdialdera abiatu eta ordu gutxira
Horietako batek 15 migratzaile zeramatzan, tartean bost haur eta hiru emakume; besteak, 30 pertsona, horien artean zazpi adingabe. Aljeriatik iritsitakoak, bidaiari gehienak Saharaz hegoaldeko Afrikakoak dira.
40 gradutik gorako tenperaturak, Euskal Herriko hainbat herritan
Euskalmetek Zornotzan duen estazioan 41,6 ºC neurtu dituzte, Iurretakoan 41,5 eta Bilboko Zorrotza auzokoak, berriz, 40,8. Gipuzkoan, aldiz, termometroak 40,6 gradura iritsi dira Arrasaten. Araban eta Nafarroan ere, termometroak 40 ºC-tik gertu ibili dira.
Lodosako langile bat hil da Bartzelonako Ebroko lantegian
Langilea asteartean hil zen, eta enpresak "doluminak" helarazi dizkie haren senide eta lagunei. Lodosa Kirol Elkarteak ere doluminak eman dizkie haren ingurukoei, elkarteko jokalari ohia baitzen.
:eitb-banner?$eitb-banner$&fmt=webp-alpha&qlt=80)
Araban, Erriberagoitiko hainbat herrik basoa garbitu eta segurtasun perimetroa egin dute etxebizitzen inguruan
Lasierra Erriberagoitian (Araba) artadiz inguratutako herri bat da, dozena bat biztanlekoa. Orain dela bi urte, hiru hektareako segurtasun perimetroa egin zuten. Aldundiaren dirulaguntzarekin, astebetez zortzi langilek basoa garbitu zuten. Lan horiek mantentzeko, ordea, ganadua eta artzainak beharrezkoak direla adierazi dute herritarrek.
Juan Mari Aburtok Aste Nagusi zirraragarri, aske eta seguru baten alde egin du
Bilboko alkate Juan Mari Aburtok herritarrek Aste Nagusiaz askatasun eta segurtasun giroan gozatzea nahi du. Horren arabera, Jai Batzordea ikuspuntu ezberdinak batzeaz arduratzen da, "munduko jairik onenak" izateko. Gainera, errespetua eta bizikidetza eskatu ditu, Aste Nagusiaz harmonian gozatzeko.
Ostiral epela Euskal Herrian, 45 ºC inguruko tenperaturekin
Bero itogarriak ez du etenik emango asteburuan. Hala ere, alerta laranjak Arabara eta Nafarroara mugatuko dira.
Pasealeku Berriko igeriketa zeharkaldian parte hartzen ari zen gizon bat hil da
Igerilariak geldialdi kardiobaskularra izan du uretan, eta Kontxako hondartzara eraman dute. Larrialdi zerbitzuko kideak gizona suspertzen saiatu dira, baina ez dute lortu haren bizia salbatzea.
Juan Mari Aburtok ohorezko aurreskua dantzatu du aurten ere
Urtero bezala, Bilboko alkateak ohorezko aurreskua dantzatu du Begoñako Ama Birjinaren egunean. Beroa handia izan bada ere, alkateak ez du hutsik egin nahi izan.
Sei egunez aktibo egon den Zarrakazteluko baso-sutea, itzalita
Astelehenera arte ez zen lortu asteazkenean kontrolpean izan zuten sua inguratzea eta egonkortzea. Nafarroan sute-arriskua oso handia edo muturrekoa da oraindik.
Asteazkenetik desagertuta zegoen gizon baten gorpua aurkitu dute Legazpin
07:00ak baino lehentxeago, Legazpin gorpu bat agertu dela jakin du Ertzaintzak. Deba Urolako ertzain-etxeko agenteak eta mediku bat bertaratu dira, eta hilda zegoela baieztatu dute. EITBk jakin duenez, hilketa bat izan daiteke.