Aldundiak Txara I egoitzako irregulartasunak onartu ditu eta jarraipena egiten ari direla baieztatu
Maite Peña Gipuzkoako Gizarte Politiketarako diputatuak onartu du Donostiako Txara I egoitzako 116 egoiliarretatik 16k ohean behar baino denbora gehiago pasa zutela eta abuztuko 31 egunetatik 9tan katalogoak ezarritakoak baino erizaintza ordu gutxiago egon zirela, opor garaia izateagatik gertatu dela esan du.
Pasa den abuztuan Txara I-en egindako ikuskapenaren inguruan galdetu diote gaur Peñari. ELAk salatu duenez, ikuskapen horretan ikusi zen "egoiliarrak "14 orduz janaririk gabe" edukitzen zituztela; sindikatuak "gizagabe eta lotsagarri" jo du gertaera.
Peñak nabarmendu du Txarakoa Gipuzkoako Foru Aldundiak urtero egiten dituen 325etik gora ikuskapenetako bat dela, eta horien % 96 "aurreko abisurik gabe" egiten direla.
Ikuskapen hori opor garaian egin zen eta ikusi zen "erizaintza zerbitzuan ezarritakoa baino ordu gutxiago egin zirela abuztuko 9 egunetan". Halabaina, adierazi du "trukean" zaintzaile ordu gehiago izan zirela.
Peñak aitortu du zailtasunak egon direla erizainak ordezkatzeko, opor garaia izateagatik eta pandemiagatik. "Arazoa egiturazkoa da", esan du.
Halaber, aitortu du Txara I-eko 16 erabiltzaile ohi baino lehenago oheratu eta ohi baino beranduago altxarazi zituztela. Konstatazio horren aurrean, Peñak argi utzi nahi izan duenez, "pertsona hauek ohean zeuden, ez itxita" eta esan duenez "ez ziren jan gabe egon, eskaini zitzaien afari ostekoa"; "eurentzat egoki dena baino denbora luzeagoz etzanda" egon zirela aitortu du, halere.
Peñak zehaztu du Txara I-eko ikuskapen honetan "hainbat kontu ikusi direla, eta ohi bezala, egoera hobetzeko beharrezko ikuskapen eta prozedimenduak aktibatu direla" eta jarraipena egiten ari direla.
Diputatuak adierazi du hemendik aurrera "hobetu beharrekoak hobetzeko denbora bat" ematen dela eta ondoren egiaztatuko dutela "protokoloak bete ote diren".
ELAk Aldundiarekin bildu nahi du
ELA sindikatuak ohar batean salatu duenez, enpresa pribatuek "ahaztu egiten dute modu duinean zainduak izateko eskubidea duten pertsonekin lan egiten dutela". Salaketen arabera, "langile gehiago kontratatu behar dira eta arreta zuzeneko ratioak handitu", 252 egun greban daramatzaten Gipuzkoako egoitzetako langileek eskatzen duten bezala.
Ildo horretan, ELAk "aipamen berezia" egin dio erizainen ratioen egoerari; zentro batzuetan "egun batzuetan erizaintzako zortzi ordu baino ez dira eskaintzen, erabiltzaileak egunean 24 orduko zerbitzua ordaintzen duenean", azpimarratu du.
Sindikatuaren arabera, egoiliar batzuk "behar bezala garbitu gabe eraman ditzakete gosaltzera", eta erabiltzaile batzuek "afariari oka egiten diote jaten amaitu bezain laster oheratzen dituztelako", zentroak kudeatzen dituzten "enpresek ezartzen duten lan-abiadura" dela eta.
"Hori guztia Aldundiaren babesarekin gertatzen da", sindikatuak salatu duenez, izan ere, enpresa kudeatzaileak "diruz laguntzen" ditu aldundiak eta hura arduratzen da ratioak ezartzea. Horregatik guztiagatik, Gizarte Politiketako diputatu Maite Peñari eskatu dio onar dezala sindikatu horrek egoera bideratzeko bilera bat egiteko egindako eskaera.
Zure interesekoa izan daiteke
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
Dena prest da Senperen “Geroa eraikiz” lelopean egingo den Herri Urrats jairako
Urtero bezala, milaka euskaltzale bilduko dira igandean Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izango da nagusi goizetik arratsera, baina aldarrikapenak ere presentzia nabarmena izango du.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.