ELAk dio Gipuzkoako adinekoen egoitzetako ratioak Olanok esandakotik "oso urrun" daudela
ELA sindikatuak ziurtatu duenez, "Gipuzkoako egoitzen batez besteko ratioa 13 egoiliarrekoa da langile bakoitzeko"; Gipuzkoako Foru Aldundiak egindako adierazpenen arabera, ratioa "bi egoiliarrekoa da langile bakoitzeko".
Donostian emandako prentsaurrekoan, sektoreko ELAko arduradunek gogorarazi dute, Txara Ieko ikuskapenaren ondorioz Gipuzkoako egoitzetan ematen den zerbitzuari buruz elkarrizketa batean egin zioten galderari erantzunez, Markel Olano Gipuzkoako ahaldun nagusiak esan zuela "Gipuzkoako egoitzetan ratioa 0,5ekoa" dela, hau da, "bi egoiliarrentzako langile bat dagoela".
Horren aurrean, ELAk ziurtatu duenez, Markel Olanok emandako datua "ez dator bat errealitatearekin"; izan ere, Aldundiaren dekretuaren arabera, "langile bakoitzeko batez besteko erabiltzaile kopurua 13 egoiliarrekoa da, Olanok defendatutakotik oso urrun".
Sindikatuaren esanetan, adinekoentzako egoitza-zerbitzuak hitzartzeko beharrezkoak diren baldintzak arautzen dituen 38/2007 Foru Dekretuaren arabera, "Gipuzkoako egoitzetako batez besteko erabiltzaile batek 111,014 minutuko zuzeneko arreta jasotzen du egunean", eta, beraz, "kontuan hartuta egun batek 1.440 minutu dituela, 111,014 arreta-minutu horiek eguneko % 7,7 dira".
ELAk azaldu duenez, langileen ratioa kalkulatzeko, egunak dituen minutuak (1.440 min) zuzeneko arretaren guztizko minutuekin zatitzen dira. "Kasu honetan, 1440 minutu/111,014 min = 13 izango lirateke. Hau da, 13 erabiltzaileko langile bat dago".
Gainera, 2021eko urriaren 7ko datuei erreparatuta, Donostiako Txara I egoitzako langileen arabera, "13 langile laguntzaile zeuden goizeko txandan 116 erabiltzailerentzat (8,92 erabiltzaile langile bakoitzeko); sei langile laguntzaile arratsaldean 116 erabiltzailerentzat (19,33 erabiltzaile langile bakoitzeko); eta bi langile laguntzaile gauean 116 erabiltzailerentzat (58 erabiltzaile langile bakoitzeko).
ELAk Olanori gogorarazi dionez, Gipuzkoako adinekoen egoitzetako langileek aukeratu dute sindikatu hori "hauteskunde sindikaletan", ordezkari gisa (% 60), eta 252 greba egun eta pandemia baten ostean, Aldundiak "modu sistematikoan uko egiten dio egoitzen errealitatea eta sindikatuaren proposamenak bertatik bertara entzuteari". Azkenik, Gipuzkoako ahaldun nagusiari ELAko adinekoen egoitzetako langileekin biltzeko eta "entzuteko" eskatu dio.
Zure interesekoa izan daiteke
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
Dena prest da Senperen “Geroa eraikiz” lelopean egingo den Herri Urrats jairako
Urtero bezala, milaka euskaltzale bilduko dira igandean Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izango da nagusi goizetik arratsera, baina aldarrikapenak ere presentzia nabarmena izango du.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.