Adingabeekin lan egiteko baimena eman diote hiru neskatori sexu abusuak egitea leporatutako masajistari
Gipuzkoako Auzitegiak indarrik gabe utzi du Donostiako epaitegi batek 13, 14 eta 15 urteko hiru neskatori ustez sexu-abusuak egiteagatik ikertzen ari den masajistari kautelazko neurri gisa ezarri zion debekua, 18 urtetik beherakoekin lan egitekoa.
Gizonezkoa maiatzean atxilotu zuten, adingabeetako batek bere aurkako salaketa aurkeztu ostean; horri beste bi biktimenak batu zitzaizkien gero, eta, Segurtasun Sailak jakinarazi zuenez, "ustez masaje saio bana jasotzera joan ziren".
Ondoren, Donostiako Guardiako Epaitegiaren esku utzi zuten gizona, eta hark aske utzi zuen behin behinean, karguekin. Hala ere, kautelazko neurriak ezarri zizkion epailearen aurrean agertzeko prest zegoela eta biktimen babesa bermatzeko, bai eta delitua errepikatzea saihesteko ere.
Zehazki, ikertua 18 urtetik beherako adingabeekin masajista gisa aritzeko gaitasunik gabe utzi zuten, eta, gainera, ustezko biktimekin komunikatzea eta haiengana 500 metro baino gutxiagora hurbiltzea debekatu zioten.
Era berean, epaitegiak pasaportea kendu zion eta Espainiatik ateratzea debekatu, eta astean bitan epailearen aurrean agertu beharra ezarri zion, ihes egin ez zuela ziurtatzeko.
Kautelazko neurriak hartzeko autoan, epaitegiak ebatzi zuen gertakariak hiru sexu-abusu delitu izan zitezkeela, horietako bakoitza zortzi eta hamabi urte arteko espetxealdiarekin zigortua.
Masajistaren defentsak, Juan E. Alvarez Fanjul abokatuak, helegitea aurkeztu zuen neurri horien kontra, eta Gipuzkoako Auzitegiak berretsi egin ditu kautelazko neurri guztiak, adingabeekin lan egiteko debekua izan ezik.
EFE agentziak esku artean duen autoak jasotzen du, Gipuzkoako Auzitegiko Hirugarren Sekzioak azaldu duenez, Espainiako ordenamendu prozesalean "behin-behineko espetxeratzearen ordezko neurri pertsonalak" badaude ere, hala nola "urruntze-aginduak", "ibilgailu motordunak gidatzeko debekua" eta "kargu publikoak etetea" kasu zehatzetarako, ez da "berariaz" jasotzen "lanbide jakin batean aritzeko desgaikuntza berezia".
"Beraz, ezarritako kautelazko neurria indarrik gabe utzi behar dugu", izan ere, hala dio autoak, "ez du gure zigor-arloko prozedura-legedian arau-estaldura saihestezina eta zehatza". Hala defentsaren helegitea onartu du neurri batean. Irmoa da ebazpena, ezin baita haren aurkako errekurtsorik jarri.
Zure interesekoa izan daiteke
Herritarrak konfinatu dituzte Pasaiako portuan piztutako sute baten ondorioz sortutako keagatik
Pasaiako portuan izandako sute batek eragindako keak Lezo eta inguruko biztanleei eragin diezaieke, eta, ondorioz, larrialdi zerbitzuek ES-Alert bat bidali dute bizilagunei konfinatzea eskatzeko.
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.