Gizon batek neskalaguna hil du Torreviejan

68 urteko gizona atxilotu dute homizidio delitua leporatuta. Emakumearen gorpuzkiak aurkitu dituzte edukiontzi batean.

Hilketa matxista gertatu den tokia, Torreviejan. Argazkia: EFE

AGENTZIAK | EITB Media

2021/10/29 - 10:05

Azken eguneratzea

2021/10/29 - 10:05

70 urteko gizon batek 68 urteko emakumezko bikotekidea hil du bart Torreviejan (Alacant) eta ondoren zatikatu eta gorpuzkiak zaborrontzira bota ditu. Ustezko hiltzailea atxilotu egin dute eta homizidio delitua leporatu diote.

Guardia Zibilak atzo jakinarazi zuenez, gorputz zatia aurkitu zituzten edukiontzi batean. Horren ondotik, udalerriko hondakinen bilketa geldiarazteko agindua eman zuten beste edukiontzietan gorputz zati gehiago egon zitezkeelakoan. Ikertzailek hainbat zabor poltsa bildu dituzte biktimaren gorpuzkiak izan daitezkenekin.

Bikotearen etxebizitza miatu du hainbat orduz Poliziak.

Genero indarkeria kasu bat dela baieztatu dute ikerketako iturriek.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.