Sagarduik berretsi du neurriak bete behar direla "bihar ospatu ahal izateko"
Gabonak ate joka ditugula, Gotzone Sagardui Eusko Jaurlaritzako Osasun sailburuak erantzukizun indibiduala eta kolektiboa eskatu ditu berriro ere, eta ondorengo aste eta hilabeteetan datozkigun egun esanguratsuen aurrean adierazi du gaur bertan jarri behar dugula martxan "bihar ospatu ahal izateko", "hori baita guztiok nahi duguna". "Goranzko joera hori irauli behar dugu", gaineratu du.
Gobernu kontseiluaren ostean emandako prentsaurrekoan, sailburuak esan du "kutsatze asko" daudela oraindik, eta ohartarazi du horrek "ospitaleetan eragina izateko arriskua" handitzen duela. Iaz edo duela hilabete batzuk baino "hobeto" gaudela gogorarazi du, baina "hobeto" egon gaitezkeela azaldu du.
Eusko Jaurlaritzako Osasun Sailaren asteroko azken buletin epidemiologikoaren arabera, Euskadiko intzidentzia-tasa metatuak 100 puntuko muga gainditu du, 100.000 biztanleko 109koa baita. Gainera, Gipuzkoa da zerrendaburu, 174,33 kasuko intzidentzia metatuarekin.
Zentzu horretan, oraindik "kutsatze asko" daudela onartu badu ere, horrek osasun sistemari eragin bai, baina, oraingoz, ospitaleetan ez duela eraginik izan esan du.
Hala ere, proba diagnostikoak egiteko beharra areagotzen ari dela azpimarratu du, eta kasu positiboen jarraipena egiten eta aztarnarien lana indartzen ari direla erantsi. "Ospitaleetan eragina izateko arriskua handitzen ari da", jakinarazi du.
Sagarduiren iritziz, "argi dago txertoaren eragina"; izan ere, aurreko etapekin alderatuta, hori izan da "aldea markatu duena". Bere iritziz, nabarmentzekoa da Euskadiko xede-populazioaren % 90ek baino gehiagok pauta osoa duela koronabirusari aurre egiteko borrokan.
Txertoa hartu ez duen pertsona batek "ospitaleratuta amaitzeko lau aldiz aukera gehiago" ditu, horren esanetan, eta, hori dela eta, hitzordua eskatzeko deia egin die berriro ere txertoa jarri ez dutenei.
Gabonak eta azokak
"Aurrera begiratzeko unea da", Sagarduiren hitzetan, ospakizun egunak hurbiltzen ari direlako eta "guztiok ospatu nahi ditugulako". "Neurriak daude eta badakigu zeintzuk diren, txertoa da birusa gainditzeko tresnarik onena, baina ez bakarra", azaldu du.
Gabonetan murrizketa gehiago egongo ote diren ez du aurreratu, baina litekeena da horrela izatea: izan ere, asteburu honetan sailburuak EITB Mediari egindako elkarrizketa batean esan duenez, Jaurlaritzak ez du baztertzen neurri murriztaileak hartzea egoerak okerrera egiten jarraitzen badu.
Iñigo Urkullu lehendakariak ere "zuhurtzia" eta "erantzukizuna" eskatu die herritarrei asteon, covid-19aren aurrean prebentzio neurriak mantentzeko, "neurri murriztaile gehiago hartu beharrik ez izateko".
Txertaketa
Bestalde, Osakidetza errefortzu dosirako hitzordua ematen hasi zaie Janssen etxearen txertoa jaso zutenei. Bigarren dosia, ordea, Modernarena edo Pfizerrena emango diete. Zehazki, Modernaren kasuan, dosia 0,25 mililitrokoa izango da dosia (jarri ohi denaren erdia), eta Pfizerrenean, 0,3 mililitrokoa (ohikoa).
Zure interesekoa izan daiteke
Artxandako funikularra itxi egin dute hiru egunez, mantentze lanak direla eta
Udalak jakinarazi duenez, autobus zerbitzu berezia (E5 linea) martxan jarriko da, Bilbo eta Artxandaren arteko garraioa indartzeko. Zerbitzu hori A7 lineako ohiko autobusaren osagarri modura emango da, azken horrek normaltasunez jarraituko baitu.
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.