Lau adingabe ikertzen ari dira, Lasarte-Orian, bi gazte jipoitzea egotzita
Biktimak, 20 eta 17 urtekoak, Lasarte-Oriako ikastetxe bateko patioan zeuden eta zazpi gazteko talde bat hurbildu zitzaien zigarro bat eskatuz. Ezetz erantzun ondoren, horietako lau ukabilkadak ematen hasi zitzaizkien eta ospitalean artatu behar izan zituzten.
Ertzaintza lau adingabe ikertzen ari da, Lasarte-Orian bi gazteri jipoia ematea egotzita. Biktimak ospitalean artatu behar izan zituzten.
Segurtasun Sailak jakinarazi duenez, erasoa atzo iluntzean gertatu zen, 20:45ak aldera, Lasarte-Oriako ikastetxe bateko patioan.
Biktimen testigantzaren arabera, zazpi gazteko talde bat hurbildu zitzaien, zigarro bat eskatuz. Ezetz erantzun ondoren, horietako lau ukabilkadak ematen hasi zitzaizkien eta lesioak eragin zizkieten aurpegian. Hala ere, ihes egitea eta Ertzaintzari erasoaren berri ematea lortu zuten.
Erasoa gertatu eta gutxira, agenteek ustezko erasotzaileak aurkitu zituzten autobus batean alde egitera zihoazenean.
Hori dela eta, Ertzaintzak eginbideak ireki dizkie lesio delituengatik.
15 eta 17 urte arteko ustezko erasotzaileak aske utzi dituzte, Adingabeen Fiskaltzak noiz deituko zain.
Zure interesekoa izan daiteke
Labankadaz hil dute emakume bat Madrilen, eta hilketa matxista posibletzat ikertzen ari dira
Gasteiz eta Bilbo arteko N-222 errepidea itxita dago, kamioi batek istripua izan ondoren
4.700 lagun baino gehiago txertoguneen lehen egunean
Ibai azpiko tunelaren lanak hasi dira Sestaon
Bengoetxearen ustez, azterketak berriz planteatu behar dira, adimen artifizialaren eraginez
Gaixotasun profesionaltzat jo dute ospitale batean kutsatu zen zeladore baten covid iraunkorra
Sexuak eta maila ekonomikoak eragina dute osasunerako arrisku faktore nagusietan, OMEren arabera
Frankismoari lotutako bi kaleren izenak aldatuko dituzte Gasteizen, eta Paz Diaz de Espada eta Frida Kahlo deituko dira aurrerantzean
Osakidetzako filtrazioengatik epaitutako oposiziogileak aitaginarrebak prestatutako 50 galderetatik 48 asmatu zituen, lekuko baten arabera
