Gastroenteritis-agerraldia antzeman duen gurutzaontziak geldialdia egingo du Bilboko Portuan
90 urte inguruko bidaiari britainiar baten heriotzak osasun-alerta piztu du Ambition gurutzaontzian, eta 1.700 pertsona konfinatu dituzte. Gainera, 50 pertsona inguruk gonbitoak eta beherakoak izan dituzte azken egunotan.
Ambition ontzia. Argazkia: EFE
Berriki gastroenteritis-agerraldia antzeman duen Ambition gurutzaontziak geldialdia egingo du Bilboko portuan astelehen honetan, maiatzak 18. Ontzia Bordelen (Frantzia) porturatuta dago uneotan.
Bilboko Portuko Agintaritzak baieztatu duenez, ontziaren geldialdia Getxon aurreikusita dago, gurutzaontzien terminalean. Dena dela, Bilboko Portuko Agintaritzak ez du bestelako daturik eman; besteak beste, egun horretako iritsiera- edo abiatze-ordutegiak.
90 urte inguruko bidaiari britainiar baten heriotzak osasun-alerta piztu du Ambition ontzian, eta 1.700 pertsona konfinatu dituzte. Gainera, 50 pertsona inguruk gonbitoak eta beherakoak izan dituzte azken egunotan. Argentinatik abiatutako MV Hondius gurutzaontzian hantabirusa agertu ondoren jazo da honako osasun-alerta.
Atzo, asteazkena, Akitania Berriko osasun-agintariek baieztatu zuten 90 urteko gizonaren heriotza "gastroenteritis-agerraldi" baten ondorioz izan zela, eta sintomarik ez duten pertsonentzako lehorreratzeko debekua kendu zuten. Dena dela, kutsatuentzako isolamendua mantentzea erabaki zuten.
Ambition gurutzaontzia Shetland uharteetatik (Erresuma Batua) iritsi zen Bordelera, Belfasten (Ipar Irlanda), Liverpoolen (Erresuma Batua) eta Bresten (Frantziako ipar-mendebaldea) geldialdiak egin ondoren.
Gutxienez 50 bat bidaiarik gonbitoak eta beherakoak izan dituzte azken egunotan, kutsatzearen jatorria zehazteko probak egiten jarraitzen duten bitartean.
Zure interesekoa izan daiteke
Labankadaz hil dute emakume bat Madrilen, eta hilketa matxista posibletzat ikertzen ari dira
Gasteiz eta Bilbo arteko N-222 errepidea itxita dago, kamioi batek istripua izan ondoren
4.700 lagun baino gehiago txertoguneen lehen egunean
Ibai azpiko tunelaren lanak hasi dira Sestaon
Bengoetxearen ustez, azterketak berriz planteatu behar dira, adimen artifizialaren eraginez
Gaixotasun profesionaltzat jo dute ospitale batean kutsatu zen zeladore baten covid iraunkorra
Sexuak eta maila ekonomikoak eragina dute osasunerako arrisku faktore nagusietan, OMEren arabera
Frankismoari lotutako bi kaleren izenak aldatuko dituzte Gasteizen, eta Paz Diaz de Espada eta Frida Kahlo deituko dira aurrerantzean
Osakidetzako filtrazioengatik epaitutako oposiziogileak aitaginarrebak prestatutako 50 galderetatik 48 asmatu zituen, lekuko baten arabera
