EAEn covid pasaportea ezartzearen alde agertu da Urtaran
Euskal Autonomia Erkidegoak 100.000 biztanleko 150 koronabirus kasuko langa gainditu duela jakin den egunean, Gorka Urtaran, Gasteizko alkate eta Eudel Euskadiko Udalerrien Elkarteko presidentea, murrizketa berriak ezartzearen alde agertu da, "birusak zabaltzen jarraitzen badu".
Neurri horien artean, covid pasaportea ezartzea babestu, eta koronabirusaren kontra txertatu ez diren pertsonek "bestelako bizimodua" egin beharko luketela ere esan du, "birusa gure artean dagoen bitartean".
Ser irrati katean egindako adierazpenetan, "txertaketak kasu larriak modu nabarmenean jaistea eta ospitaleetako presioa arintzea" ekarri duela nabarmendu du Eudeleko presidenteak, eta "norbera txertatu ala ez erabakitzeko libre" dela esan ostean, "zorionez, Euskadin txertatu gintezkeen herritarren 10etik ia 9k hala egin izana" goraipatu du. Kopurua altua den arren, "txertatu gabe dauden herritarrek bestelako bizimodua egin beharko lukete birusa gure artean dagoen bitartean" gaineratu du.
Udalak, "Osakidetzaren esanetara"
Gotzone Sagardui Osasun sailburuak prentsaurrekoa emango du astearteko Gobernu Kontseiluaren ostean, gorrian dauden udalerrietan hartu beharreko neurriak zehazteko. Horren aurrean, Urtaranek esan du bat egiten duela neurriak hartzeko erabakiarekin.
"Udalak Osakidetzaren esanetara egongo gara, gure osasun sistemaren esanetara, alegia, osasun presioa igo ez dadin, egoera larriak gerta ez daitezen, eta, batez ere, herritarren heriotzak ekiditeko", erantsi du.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.