Udalerri batzuk festak eta ekitaldiak bertan behera uzten hasi dira
Koronabirusaren bilakaerari aurre egiteko Eusko Jaurlaritzak onartu duen azken aginduak bere lehen ondorioak izan ditu. Tolosako Udalak bertan behera utzi du asteburu honetan egitekoa zen Babarrun Festa eta Murgian ere ez da festarik izango asteburuan. Gaur argitaratu da EAEko Aldizkari Ofizialean Osasun Sailaren azken agindua eta horren arabera, Eusko Jaurlaritzak udalen esku utzi du ekitaldi jendetsuak bertan behera uzteko eskumena.
Pandemiaren bilakaera ikusita eta Eusko Jaurlaritzaren aginduan egiten den eskariari jarraituz, Tolosako Udalak bertan behera utzi du asteburu honetan egitekoa zen Babarrun Festa, zuhurtziagatik eta arduragatik. Udaletik jakinarazi dutenez, larunbateko ohiko azoka eta antolatutako kultur jarduerak bakarrik baimenduko dituzte, indarrean dauden osasun neurriak zorrotz jarraituz. Gauzak horrela ez dira egingo Tolosako babarrunaren ekoizleen XXIX. lehiaketa eta ezta Tolosako babarrunaren lehiaketa gastronomikoa ere. Halaber, erantzukizunez eta arduraz jokatzeko deia egin die alkateak tolosarrei.
Hauek dira Tolosako Udalak baimendu dituen kultur jarduerak: Nogen taldearen kontzertua azaroaren 19an, Leidorren; Santa Zezilia eguneko Musika Bandaren kalera, geldialdirik gabe egingo dena; eta Euskal Herriko Aizkolari Txapelketa azaroaren 28an; Beotibar pilotalekuan.
Tolosa ez da asteburuko ekitaldiak bertan behera utzi dituen udalerri bakarra. Murgian, esaterako, jaiak ez ospatzea erabaki dute. Irailean egitekoak ziren, baina azarora atzeratu zituzten.
Murgia eta Tolosa bi adibide baino ez dira. Zer gertatuko da esaterako Urretxu-Zumarragan egiten den Santa Luzia azokarekin, Durangoko Azokarekin edo Bilboko eta Donostiako San Tomas azokekin? Orain, tokian tokiko udal gobernuak Osasun Sailaren agindu berriaren xehetasunak aztertzen ari dira udazkenean eta neguan aurreikusitako ekitaldiekin zer egin deliberatzeko.
Egutegiari begiratuz gero, San Andres jaiak ate joka dituzte Eibarren. Jon Iraola alkateak "Egun on Euskadi" saioari azaldu dionez, jaiak ospatu ahal izatea da bere nahia, baina Eusko Jaurlaritzaren aginduaren xehetasunak irakurri zain daude.
Abenduaren 13an Santa Luzia eguneko azoka egin ohi dute Urretxu-Zumarragan. Oraindik ez dute behin-betiko erabakirik hartu eta bi udalak egoera aztertzen ari dira zer egin erabakitzeko. Dena dela, Mikel Serrano Zumarragako alkateak uste du ez duela zentzurik Santa Luzia azoka atzeratzeak.
CONTENIDO NO ENCONTRADO
San Tomas eguneko azokari buruz galdetuta, edozein eszenarioren aurrean hartu behar diren erabakiak hartzeko prest egon behar dela azpimarratu du Eneko Goia Donostiako alkateak. Horregatik, momentu bakoitzean moldatzeko gaitasuna izatea aldarrikatu du.
Bilboko San Tomas azoka egingo ote den galdetuta, orain ez dela erabakiak hartzeko momentua adierazi du Juan Mari Aburto Bilboko alkateak. Dena den, azpimarratu du ez duela Udalak antolatzen eta espazio publikoa okupatzeko baimena eman besterik ez duela egiten. Dena dela, birusak hor jarraitzen duela eta arduraz jokatzeko deia egin du.
Aburtok gogorarazi duenez, Gotzone Sagardui Osasun sailburuak urriaren 21ean sinatutako aginduaren arabera, "maskara janztea nahitaezkoa da barrualdeetan", baita 1,5 metroko distantzia errespetatzen ez den hiriguneetan ere.
Durangon, bestalde, abenduaren 3an hastekoa den Durangoko Azokari buruzko azalpenak astelehenean dituzte ematekoak antolatzaileek.
Zure interesekoa izan daiteke
Goiz korapilatsua Txorierrin, Asua parean bederatzi autoren artean izandako talka baten ondorioz
Istripuaren ondorioz, bideko lau erreietatik hiru itxi behar izan dituzte puntako orduan, eta auto-ilara luzeak sortu dira inguruan: Artatzan, Arrontegin, Barakaldon eta Gurutzetan. Behin ibilgailuak bidetik kenduta, egoera bere onera itzultzen joan da. Arazoak izan dira, halaber, A8an, Kantabriarako noranzkoan, San Mames parean istripu bat izan baita. Gipuzkoarako noranzkoan, gainera, trafikoa astuna izan da.
Bilbok TAOa ezarri du Zorrotzaurreko hegoaldean, 150 aparkaleku-plaza araututa
Bizitegi-eremu horretan, egoiliarrek denbora-mugarik gabe aparkatu ahal izango dute, eta datozen urteetan 550 plaza inguru izatea aurreikusten du Udalak.
Luiziek zirkulazioa korapilatu dute N-634 eta NA-1300 errepideetan
Azken orduotako euriteek lur-jausiak eragin dituzte errepide sareko hainbat puntutan. Aipatu bi errepideak irekita daude dagoeneko, zirkulazioa txandaka bideratuta.
Gizon bat atxilotu dute Pedreñan bikotekidea hiltzea egotzita
Atxilotuak ez zuen horren salaketarik jarrita, baina aurrekariak zituen beste emakume batzuek salatutako indarkeria kasuengatik.
'Aita Mari' ontziak 32 pertsona erreskatatu ditu Mediterraneoan, bi egun noraezean zeramatzatela
Mediterraneo erdialdeko uretan topatu dute ontzia, migratzailez gainezka, "oso baldintza eskasetan". Bi egun zeramatzaten itsasoan noraezean. Erreskatatutako pertsonen artean bederatzi adingabe eta haurdun dagoen emakume bat daude.
21 urteko neska batek hankak apurtu ditu Tuteran, igogailu batean harrapatuta geratu baita
Istripua bart gertatu da, Albares kaleko eraikin bateko igogailuan. Dirudienez, emakume batek zeraman aulkitxo baten uhala igogailuaren atean trabatu da, eta hankak harrapatu dizkio. Suhiltzaileek askatu ostean, anbulantziaz eraman behar izan dute ospitalera.
Txurdinaga Behekoa Institutuko ikasle eta gurasoek Batxilergo Artistikoa ez kentzeko eskatu diote Hezkuntza Sailari
Begoña Pedrosak zuzentzen duen Hezkuntza Sailak adierazi du batxilergo hori ikasteko aukera bermatzen dela ikasleak Ibarrekolanda eta Bertendonako ikastetxeetan banatuta. Manifestarien esanetan, hezkuntza publikoaren aurkako beste eraso bat da, eta, hori dela eta, elkarrizketarako deia egin diote Eusko Jaurlaritzari.
Martxoaren 1ean Valtierran izandako zirkulazio-istripuan zauritutako 28 urteko neska hil egin da
Ezbeharra 01:19an gertatu zen, N-121 errepideko 72,28 kilometroan, Los Abetos jatetxearen bidegurutzean, bi gazte zihoazen autoa bidetik atera eta ezponda baten aurka talka egin zuenean. 20 urteko beste gazte bat ere zauritu zen ezbeharrean.
Santanderko istripua jazo aurretik 112ra deitu zuen gizona: "Behar bezala jardun izan balitz, ezbeharra saihestuko zen"
Zubiaren egoeraz ohartarazi zuen Santanderko bizilagunaren ustez, tragedia saihestuko zen deia jaso ostean jardun izan balitz. Instrukzioa egiten ari den epaileak zubiaren egoera aztertzeko eskatu dio peritu bati.
Ekialde Hurbileko gerraren aurka protesta egin dute Bilbon, eta Gaza ez ahazteko eskatu dute
PararLaGuerra.es herri plataformak protesta egin du gaur Bilbon, bakea eskatzeko, AEBk eta Israelek Iranen aurka hasitako erasoaldia indarrean denean. Halaber, babesa adierazi diote Palestinari.