Tolosako Udalak bertan behera utzi du asteburuan egitekoa zen Babarrun Festa
Koronabirusaren bilakaerari aurre egiteko Eusko Jaurlaritzak onartu duen azken aginduak bere lehen ondorioak izan ditu. Tolosako Udalak bertan behera utzi du asteburu honetan egitekoa zen Babarrun Festa eta Murgian ere ez da festarik izango asteburuan. Gaur argitaratu da EAEko Aldizkari Ofizialean Osasun Sailaren azken agindua eta horren arabera, Eusko Jaurlaritzak udalen esku utzi du ekitaldi jendetsuak bertan behera uzteko eskumena.
Pandemiaren bilakaera ikusita eta Eusko Jaurlaritzaren aginduan egiten den eskariari jarraituz, Tolosako Udalak bertan behera utzi du asteburu honetan egitekoa zen Babarrun Festa, zuhurtziagatik eta arduragatik. Udaletik jakinarazi dutenez, larunbateko ohiko azoka eta antolatutako kultur jarduerak bakarrik baimenduko dituzte, indarrean dauden osasun neurriak zorrotz jarraituz. Gauzak horrela ez dira egingo Tolosako babarrunaren ekoizleen XXIX. lehiaketa eta ezta Tolosako babarrunaren lehiaketa gastronomikoa ere. Halaber, erantzukizunez eta arduraz jokatzeko deia egin die alkateak tolosarrei.
Hauek dira Tolosako Udalak baimendu dituen kultur jarduerak: Nogen taldearen kontzertua azaroaren 19an, Leidorren; Santa Zezilia eguneko Musika Bandaren kalera, geldialdirik gabe egingo dena; eta Euskal Herriko Aizkolari Txapelketa azaroaren 28an; Beotibar pilotalekuan.
Tolosa ez da asteburuko ekitaldiak bertan behera utzi dituen udalerri bakarra. Murgian, esaterako, jaiak ez ospatzea erabaki dute. Irailean egitekoak ziren, baina azarora atzeratu zituzten.
Murgia eta Tolosa bi adibide baino ez dira. Zer gertatuko da esaterako Urretxu-Zumarragan egiten den Santa Luzia azokarekin, Durangoko Azokarekin edo Bilboko eta Donostiako San Tomas azokekin? Orain, tokian tokiko udal gobernuak Osasun Sailaren agindu berriaren xehetasunak aztertzen ari dira udazkenean eta neguan aurreikusitako ekitaldiekin zer egin deliberatzeko.
Egutegiari begiratuz gero, San Andres jaiak ate joka dituzte Eibarren. Jon Iraola alkateak "Egun on Euskadi" saioari azaldu dionez, jaiak ospatu ahal izatea da bere nahia, baina Eusko Jaurlaritzaren aginduaren xehetasunak irakurri zain daude.
CONTENIDO NO ENCONTRADO
Abenduaren 13an Santa Luzia eguneko azoka egin ohi dute Urretxu-Zumarragan. Oraindik ez dute behin-betiko erabakirik hartu eta bi udalak egoera aztertzen ari dira zer egin erabakitzeko. Dena dela, Mikel Serrano Zumarragako alkateak uste du ez duela zentzurik Santa Luzia azoka atzeratzeak.
CONTENIDO NO ENCONTRADO
San Tomas eguneko azokari buruz galdetuta, edozein eszenarioren aurrean hartu behar diren erabakiak hartzeko prest egon behar dela azpimarratu du Eneko Goia Donostiako alkateak. Horregatik, momentu bakoitzean moldatzeko gaitasuna izatea aldarrikatu du.
Bilboko San Tomas azoka egingo ote den galdetuta, orain ez dela erabakiak hartzeko momentua adierazi du Juan Mari Aburto Bilboko alkateak. Dena den, azpimarratu du ez duela Udalak antolatzen eta espazio publikoa okupatzeko baimena eman besterik ez duela egiten. Dena dela, birusak hor jarraitzen duela eta arduraz jokatzeko deia egin du.
Aburtok gogorarazi duenez, Gotzone Sagardui Osasun sailburuak urriaren 21ean sinatutako aginduaren arabera, "maskara janztea nahitaezkoa da barrualdeetan", baita 1,5 metroko distantzia errespetatzen ez den hiriguneetan ere.
Durangon, bestalde, abenduaren 3an hastekoa den Durangoko Azokari buruzko azalpenak astelehenean dituzte ematekoak antolatzaileek.
Zure interesekoa izan daiteke
Osakidetzak iraungitako 274 txerto eman zituen 2025ean Euskadiko 13 ESIetan
Osasun Sailak orain emandako datuen arabera, akats horiek ESI guztiei eragin zieten.
Ilarak kontsulatuetan, migratzaileak erregularizatzeko prozesua abiatu berritan
Ilara luzeak izan dira Bilboko Marokoren kontsulatuan, Aldizkari Ofizialean migratzaileen ezohiko erregularizazioa argitaratu ostean. Bilbokoa da Euskal Herri osoan eta Espainia iparraldean dagoen Marokoren kontsulatu bakarra.
Oposizioak salatu du Euskadiko Osasun Itunaren balantzea "marketin hutsa" dela
EH Bilduk, PPk eta Sumarrek salatu dutenez, Eusko Jaurlaritzak Euskadiko Osasun Itunaren betetze mailari buruz egindako balantzea "marketin-ariketa” hutsa da, eta Osakidetzan bizi den "errealitatetik oso urrun" dago. Halaber, Euskal Osasun Zerbitzuan dauden arazoak konpontzeko "balio ez" duela aurpegiratu dute, eta, era berean, ituna euskal osasun-sistema "erortzen uzteko koartada" bat dela deitoratu.
Iruñeak Txupinazo Txikia egingo du uztailaren 10ean
Lehen Hezkuntzako ikasleek jaurtiketa egingo dute udaletxetik, sanferminetako Haur Egunean.
Europar Batasunak "teknikoki prest" du adina egiaztatzeko doako aplikazioa, adingabeak sareko eduki kaltegarrietatik babesteko
Helburua da, beranduenez urtearen amaieran, estatu kide guztiek bermatua izan dezatela aplikaziorako sarbidea, Europa mailan tresna bat izan dezaten, gailu mugikorren eta beste batzuen bidez sare sozialetara sartzen diren erabiltzaileen benetako adina egiaztatzeko.
Osasun Itunak jasotako neurrien % 85 martxan daudela adierazi du Martinezek
Alberto Martinez Osasuneko sailburuak nabarmendu duenez, Osasun Itunak jasotako 332 ekimenetatik 282 (% 85) dagoeneko "martxan" daude, eta neurri horien "eragin argia" sumatzen da Osakidetzan.
Eusko Jaurlaritzak gaitzetsi egin du migranteak erregularizatzeko prozesuan euskara ikastea kontuan ez hartzea
Nerea Melgosa sailburuak gogorarazi du Eusko Jaurlaritzak euskara ikastea eta formakuntza-prozesuetan parte hartzea positiboki baloratzea eskatu zuela.
Gizon bat ikertu dute urrian Zornotzan bi sexu-eraso egiteagatik
Bizkaiko udalerrian 2025eko urrian egindako ekitaldi batean gertatu ziren bi erasoak. Biktimetako batek salatu zuen baimenik gabe musu eman ziola gazteak, eta bigarren batek indarra erabilita sexu-erasoa egiten saiatu zela salatu zuen.
Gizon bat atxilotu dute neska adingabe bati sexu erasoa egiteagatik, Arabako Aldundiaren tutoretzapekoa bera
Biktimak orain atxilotuta dagoen mutilarekin sexu-harremanak izateari uko egin zion, eta orduan egin zion sexu-erasoa. Joan den igandean, apirilaren 5ean, lagun batekin aisialdian zegoela ezagutu zuen mutila. Hezitzaileetako bati gertatutakoa kontatu ondoren, neskari osasun-zentro batera laguntzeko protokoloak aktibatu ziren, eta ustezko erasotzailearen aurkako salaketa jarri zen.
Nafarroako Auzitegiak 180 urteko zigorra ezarri dio Zizurko BHIko irakasle bati 42 emakume grabatzeagatik; gehienak, adingabeak
Auzipetuak 15 urte beteko ditu gehienez, ezarritako zigorrik handiena halako hiru. Akusatua irakasle izateaz baliatu zen, eta, ikasle adingabeen datu pertsonalak erabiliz, Instagram, Snapchat eta beste sare sozialetako sarbide-gakoak bereganatu zituen, baita ikasleen artxibo eta argazki pribatuak ere. Delitu guztiak onartu ditu.