Covid ziurtagiria baimentzeko eskatuko dio gaur Jaurlaritzak Euskadiko Auzitegi Nagusiari
Intzidentziaren gorakadaren aurrean, gaur eramango du Eusko Jaurlaritzak Euskadiko Justizia Auzitegi Nagusira covid ziurtagiria ezartzeko lege-babesari buruzko galdera.
Gotzone Sagardui Osasun sailburuak asteartean aurreratu bezala, EAEko Auzitegi Nagusiari bermea eskatuko dio hainbat eremutan covid-19 ziurtagiria eskatu ahal izateko. Jaurlaritzaren asmoa honakoa da: gaueko aisialdiko establezimenduetan, kontzertu-aretoetan edo 50 lagunetik gorako edukiera duten ostalaritza-establezimenduetan 12 urtetik gorako pertsonei eskatzea.
Covidaren bilakaera areagotzen ari den honetan, gero eta gehiago dira zenbait egoera edo sektoretan covid zirutagaria eskatu nahi duten gobernuak, eta zenbait lekutan jada baimenduta dago. Ipar Euskal Herrian, adibidez, dagoeneko beharrezkoa da zinemara, antzerkira edo estadio batera joateko pasaportea erakustea, baina baita taberna, kafe edo jatetxe batean zerbait hartzeko ere. Espainiako Estatuan, berriz, Katalunian, Galizian edo Murtzian gaueko aisialdirako lokaletan sartzeko ari dira eskatzen.
Neurri hori aplikatu ahal izateko, baina, epailearen baimena beharrezkoa zela ziurtzat jo zuen Jaurlaritzako Osasun sailburuak. Iñaki Subijana EAEko Auzitegi Nagusiko presidentearen hitzetan, Auzitegi Gorenak irailaren 14an emandako epai batean legoke covid ziurtagiria hainbat jardueratan eskatzeko "aurrekari judiziala". Epai horren bidez, Galiziako zenbait aisialdi- eta jatetxe-establezimendutan covid-19 pasaportea erakusteko betebeharra onartu zuen.
Bestalde, Iñigo Urkullu lehendakaria "itxaropentsu" agertu da neurria ezarri ahal izateko auzitegiaren babesa izateko aukeraren aurrean. Orain arte hartutako neurriak, azken hori barne, "orekatuak eta proportzionatuak" izan dira, eta Auzitegiak ere horrela ulertzea espero duela erantsi du.
Hainbat jarduera egiteko ziurtagiria beharrezkoa izan daitekeela eta, honen deskargak nabarmen igo dira Euskadin. Azken bi egunetan 10 aldiz biderkatu dira eta eguneko 22.000 deskarga erregistratu dira (azken hilabete honetako batez bestekoa 2000koa zen).
Datuek okerrera egin eta gero, gaur izango da Osakidetzak covidaren bilakaerari buruzko datuak emango dituen lehendabiziko osteguna, alarma-egoera bertan behera geratu zenetik.
100.000 biztanleko 150 kasu baino gehiago dituzten udalerrietan pilaketak saiheste aldera, gainera, Eusko Jaurlaritzako Osasun Sailak agindu berri bat onartu du, aurrekoa osatzen duena. Beraz, gaur izango dugu zerrenda berri horren berri, eta jarraibide berri horiek non jarraitu beharko dituzten ezagutuko dugu.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.