Gorenaren epaiak jurisprudentzia ezarri zuen covid ziurtagiria eskatu ahal izateko, Subijanaren arabera
Iñaki Subijana EAEko Auzitegi Nagusiko presidentearen hitzetan, Auzitegi Gorenak irailaren 14an emandako epai batean legoke covid ziurtagiria hainbat jardueratan eskatzeko "aurrekari judiziala". Galiziako Xuntak Gorenera jo zuen gaueko aisialdian eta ostalaritzan ziurtagiria eskatu ahal izateko berme bila; izan ere, Galiziako auzitegiek atzera bota zuten neurria. Gorenak baimendu egin zuen neurria, eta hala, "jurisprudentzia" ezarri zuen osasun pasea beste erkidego batzuetan, EAEn kasu, ere ezarri ahal izateko. Iñigo Urkullu lehendakariak ere hitz egin du auziaz, eta, gaur aitortu duenez, Jaurlaritza "itxaropentsu" dago.
Eusko Jaurlaritzak covid ziurtagiria ezarri ahal izateko EAEko Auzitegi Nagusiaren bermea eskatuko zuela iragarri zuen atzo. Horren zerbitzu juridikoek datozen orduetan aurkeztuko dute eskaria. Gotzone Sagardui Osasun sailburuak atzo aurreratu zuenez, gaueko aisialdiko establezimenduetan, kontzertu-aretoetan eta 50 lagunetik gorako edukiera duten ostalaritza-establezimenduetan 12 urtetik gorako pertsonei eskatzea da asmoa.
Subijanak atzo egin zituen adierazpenak Kriminologiaren Euskal Institutuaren ikasturte hasierako ekitaldian. "Legearen ikuspegitik, Osasun Publikoaren Legean kokatu beharko litzateke erabakia, eta, aldi berean, erabakiaren premia eta proportzionaltasunarekin uztartuz, xede duen helburu publikoa lortu ahal izateko, alegia, birusaren hedatzea galaraztea", nabarmendu zuen.
Iñigo Urkullu lehendakariak gaur hitz egin du eskariaz. Aitortu duenez, "itxaropentsu" dago, Auzitegiak onartuko diolakoan. "Beti jokatu dugu itxaropenarekin, gure helburua delako giza taldeen eta gizabanakoen osasuna bermatu ahal izatea", nabarmendu du.
Bilbon egindako ekitaldi batean, azpimarratu du orain arte hartutako neurriak, azken hori barne, "orekatuak eta proportzionatuak" izan direla, eta Auzitegiak ere horrela ulertzea espero duela erantsi du.
Gogorarazi duenez, aurrez aurkeztutako hainbat helegitetan Fiskaltzaren babesa izan dute, baina "gero epaitegiak kontrako irizpidea" erabili du.
Azken bi egunetan 10 aldiz biderkatu dira covid ziurtagirien deskargak
Uztailaren 1etik, 1.170.000 covid ziurtagiri inguru deskargatu dira Euskal Autonomia Erkidegoan (EAE), Osasun Sailak emandako datuen arabera. Europar Batasunean bidaiatzeko ez ezik, EAEko hainbat jardueretan ere eska dezaketela eta, azken bi egunetan nabarmen hazi da deskargen kopurua, 10 aldiz biderkatu baitira, eguneko 22.000 deskarga eginez (azken hilabeteko batez bestekoa 2.000 deskargakoa zen eguneko).
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.