Covid-19 pasaportea baimentzeko eskatuko dio Eusko Jaurlaritzak EAEko Auzitegi Nagusiari
Gotzone Sagardui Osasun sailburuak Gobernu Kontseiluaren osteko prentsaurrekoan iragarri duenez, aste honetan bertan baimena eskatuko dio Euskal Autonomia Erkidegoko Justizia Auzitegi Nagusiari jarduera jakin batzuetan Covid-19 ziurtagiria eskatu ahal izateko.
Aurreratu dutenez, 12 urtetik gorako pertsonei baimena eskatzea aztertzen ari dira, gaueko aisialdiko establezimenduetan, musika- eta dantza-jarduerak egiten diren establezimendu edo lekuetan, edo 50 mahaikide baino gehiagorentzako edukiera duten pertsona-talde handiak aldi berean egon daitezkeen jatetxeetan.
Sagarduik azaldu duenez, birusa transmititzeko arriskua "oso nabarmen" areagotzen duten baldintzak daudelako hautatu dituzte leku horiek, hala nola, "elikagaiak edo edariak kontsumitzeko maskara kentzea, ahotsa altxatzera behartzen duen zarata, eta, ondorioz, aerosolak gehitzea; zutik egotea, eta, beraz, zirkulazio handiagoa izatea eta neurriak lasaitzea". Arrazoi horiei gehitu behar zaie, "espazio itxiak izanik, toki horiek behar bezala aireztatzeko zailtasuna.
Sailburuak zehaztu duenez, neurri hori aplikatu ahal izateko beharrezkoa da epailearen baimena. Gaineratu duenez, "dagoeneko hainbat erkidegok eskatu diote Espainiako Gobernuari lege-esparrua ezar dezala, modu orokorrean aplikatu ahal izateko osasun baimena, Europako beste leku batzuetan egin den bezala".
Prebentzio neurri berriak
Osasun Sailak neurri berriak iragarri ditu gaur helburua izanik 100.000 biztanleko 150 kasutik gorako intzidentzia duten udalerrietan jende-pilaketak saihestea. Aurreko neurriaren osagarria da, eta, beraz, indarrean jarraituko dute urriaren 6an onartutako neurriek.
Jarraibide berriak, beraz, ez dira soilik 400 kasutik gorako intzidentzia duten zortzi udalerrietan, aurreikusten zen bezala, 150 kasutik gorako tasa duten udalerri guztietan baizik.
Osasun Sailak, bestetik, 150 kasutik gorako intzidentzia tasa duten herrietako udalei gomendatu die "bertan behera utzi edo aldi baterako atzeratu" ditzatela jende pilaketak aurreikus daitekzeen ekitaldiak, jan-edana, eta beraz maskara kentzea, dakarten jarduerak, bereziki.
Zure interesekoa izan daiteke
Galarretako sutea eremu berrietara ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz parke naturaleko sutearen itzaltze-lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30ak aldera izan da. Berarekin zegoen lagun taldeak abisua eman du, flotatzen ikusi dutenean. Ertzaintzak bere gain hartu du ikerketa.
Pertsona bat hil da eta beste bat desagertuta dago Biarritzeko itsasargiaren ondoko itsaslabar bat behera etorri ostean
Asteazken arratsaldean Biarritzeko Miramar hondartzaren eta itsasargiaren ondoan izandako luiziaren ondorioz lurperatuta geratu ziren bi pertsonetako baten gorpua berreskuratu dute larrialdietako taldeek.
Kantauri itsasoko ura 25,2 graduan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.