Nafarroako Gobernuak covid pasaportea ezarri nahi du jatetxeetan, pubetan eta diskoteketan sartzeko
Pandemiaren hedapena gelditzeko asmoz, jatetxeetan eta gaueko aisialdiko establezimenduetan sartzeko covid ziurtagiri digitala erakustea derrigorrezkoa izatea nahi du Nafarroako Gobernuak, eta gaur ostalarien ordezkariekin bildu da bere asmoen berri emateko.
Litekeena da Maria Chiviteren Gobernuak ostiral honetan bertan jotzea Nafarroako Justizia Auzitegi Nagusira neurri hori indarrean jarri ahal izateko baimena lortzeko.
Nacho Calvo Nafarroako Ostalaritza eta Turismo Elkarteko idazkari nagusiak azaldu duenez, ostalarien sektorea Gobernuarekin elkarlanean aritzeko prest agertu da, baina neurri hori ezarri aurretik zenbait aldaketa egiteko eskatu dute.
Hasteko, covid osasun agiria 50 pertsona baino gehiagorentzat tokia duten jatetxeetan soilik eskatu beharko litzatekeela adierazi dute, eta diskoteken kasuan, 24:00etatik aurrera, eta ez 22:00etatik aurrera, Eusko Jaurlaritzak Araban, Bizkaian eta Gipuzkoan egin nahi duen moduan.
Calvok zehaztu duenez, neurri horrek ez du eraginik izango zerbitzua egunez ematen duten tabernetan.
Halaber, ziurtagiria konprobatzeko prozesua erraztuko duen aplikazio bat sortzeko galdegin dute, Katalunian egin duten bezala.
Bestalde, legedia aldatzea proposatu dute, langileei txertoa jartzeko exijitu ahal izateko. "Bezero bati txertoa jarrita izatea exijitzen badiogu, ez da logikoa langile bati gauza bera ez eskatzea", erantsi du.
Nafarroako Gobernuak asteak daramatza covid ziurtagiri digitala derrigortzeko aukera aztertzen eta ematen du ostiral honetan joko duela Auzitegi Nagusira neurria ezartzeko babes juridikoaren bila.
Zure interesekoa izan daiteke
Nor zen Bermeoko portuko argazkiko neska? Hibai Agorriak Madrilen aurkitu du erantzuna
Madrilgo zakarrontzi batean agertutako argazki negatibo batzuek Urdaibai, Elorrio eta Madril arteko istorio eder bat berreskuratzea ahalbidetu dute.
Osakidetzak pertsona transexualentzako lehen mailako arreta zerbitzuak zabalduko ditu EAEko hiru hiriburuetan
Gauzak ondo bidean, maiatzetik aurrera jarriko da abian zerbitzu hori. Osakidetzako zuzendariak adierazi duenez, helburua da pertsona transexualei errespetuzko eta gertuagoko arreta ematea.
Legebiltzarrak onartu egin du udalekuetan adin txikikoen babesa indartzeko Legea izapidetzea
EH Bilduk eta Sumarrek, neurriak babestu arren, prozedura kritikatu dute, eta PPk eta Voxek erreforma egitea "zuriketa hutsa" dela esan dute.
Noelia eutanasia eskatu zuen Bartzelonako gazteak gaur jasoko du, epaileak onartu ostean
25 urteko emakumeak bere erabakiari eutsi dio, nahiz eta aita aurka agertu, Espainian legezko bide guztiak agortuta eta Giza Eskubideen Europako Auzitegira jota.
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrak mendeko egiten dituzten eta osasungaitzak diren produktuak diseinatzen dituzte”, adierazi du abokatuak.
Hondarribiak gaur onartuko du bere II. Berdintasun Plana, eta Alardearen auzia bideratzeko neurriak jasoko ditu
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela adierazi du Amaya Zabarteren senarrak
Epaileak Amaya Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa soilik izan duela kontuan, lekukoen testigantzak eta frogak alde batera utzita. Probintzia Auzitegira begira itxaropentsu dago, justizia kasua hara heldutakoan iritsiko zaielakoan.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko du.