Bi ikastetxe itxi dituzte Bidarten eta Uztaritzen, hainbat koronabirus kasu hauteman ostean
Hego Euskal Herrian ez ezik, Ipar Euskal Herrian ere koronabirusak gizartean hedatzen jarraitzen du. Testuinguru horretan eta hainbat koronabirus kasu hauteman ostean, Bidarteko Jean Jaccachoury eskola eta Uztaritzeko ikastola ixtea erabaki dute, Lapurdin. Gutxienez astebetez egongo dira itxita bi ikastetxeak eta baita bi udalerrietako aisialdi guneak ere.
Bidarteko Jean Jaccachoury eskolako Patxi Thicoipe irakasleak Euskadi Irratiari azaldu dionez, ama eskolan atzeman zituzten lehen positiboak (15) eta gerora Lehen Hezkuntzan ere agertu dira covid kasuak. Bi zikloak bereizita egon arren, eskolaurrean senide txikiagoak dituzten anaia-arreben bitartez koronabirusa Lehen Hezkuntzan ere zabaldu dela azpimarratu du Thicoipek. Hori dela eta, erabaki dute zentroa guztiz ixtea.
Gaur-gaurkoz, bi ikastetxe eta 27 ikasgela daude itxita Ipar Euskal Herrian.
64 gaixo daude ospitalean koronabirusagatik, eta horietatik bost zainketa berezien unitatean. Pirinio Atlantikoko Departamentuan intzidentzia metatua 221 kasukoa da.
Albiste gehiago gizartea
Baionako Lanbide Heziketako zentro batean izandako sutea nahita piztutakoa izan den ikertzen ari dira
Baionako Lanbide Heziketako zentro batean sute handia izan da eguerdian eta lau lagun zauritu dira. 45 suhiltzailek lanak izan dituzte sua itzaltzeko eta 200 lagun bertatik ateratzeko. Zuzendaritzak ez du baztertzen norbaitek nahita piztu izatea sua eta ikerketa zabalik dago.
Sanferminak, entzierroak eta zezenak baino askoz gehiago
Zezenak Santo Domingoko aldapan edo Estafetan. Hori izan ohi da sanferminetako irudirik ohikoena. Baina Iruñeko jaiak hori baino askoz gehiago dira. Eguneko 24 orduetan aurkitu daiteke festa-giroa eta musika non nahi. Dantzak, jotak, erraldoiak eta buruhandiak, kontzertuak... ez dago aspertzeko astirik.
Pauseko (Tarragona) suteak balio ekologiko handiko naturgune bat mehatxatzen du
Udako bigarren sute handia da Katalunian, eta egoera benetan zaila da. Sua kontrolik gabe ari da aurrera egiten, haize bortitzek bultzatuta, eta bederatzi herritako 18.000 pertsona daude konfinatuta.
Euskal jatorriko gazte iparramerikarren talde bat Euskal Herrian dabil egunotan bisitan
16 eta 25 urte bitarteko 50 gazteak Euskadin egonaldia egiten ari dira egunotan, Ateak Ireki 2025 programaren baitan. Helburua euskara ezagutzea eta haien sustrai kulturalak hobeto ezagutzea da. Euskadin dauden bitartean, Goierriko familiekin ari dira bizitzen.
Mutrikuko txiringitoaren jabea zuhurtziagabekeriagatik ikertuko dute, bezero batek garbigarria edan zuen eta
Ertzaintzaren arabera, "botila barra gainean egoteak zerbitzariak huts egitea eragin zuen". Biktima ekainaren 30era arte egon zen Donostia Ospitalean.
Omenaldia egin diote German Rodriguezi, 1978ko Sanferminetan poliziak tiroz hildako gazteari
'Sanferminak 78, gogoan' elkarteak eta Iruñeko Peñen Federazioak, urtero bezala, Orreaga etorbideko hilarrian oroimen eta aldarrikapen ekitaldi bat antolatu dute. Omenaldiak Germanen memoria bizirik mantentzea du helburu.
Kamikazeak detektatzeko eta haiei buruz ohartarazteko sistema berritzailea ezarriko du Gipuzkoak
Sistema N-1 errepidean ezarriko da, Idiazabal eta Lasarte-Oria artean. Hobekuntzarako sistema ezartzeko, 1,35 milioi euroko inbertsioa egingo da, guztira, eta 34 hilabeteko egikaritze-epea izango du.
Uztailaren 9ko entzierroa, zuzenean
Sanferminetako uztailaren 9ko entzierroa bertatik bertara Orainen, 07:55etik aurrera.
Uztailaren 10eko entzierroa, zuzenean
Sanferminetako uztailaren 10eko entzierroa bertatik bertara Orainen, 07:40etik aurrera.