Covid ziurtagiriak bederatzi hilabeteko iraupena izatea proposatu du Bruselak, hirugarren dosia jaso ezean
Txertaturik dauden europarrei murrizketarik gabe bidaiatzea uzten dien covid ziurtagiriak bederatzi hileko iraupena izatea proposatu du Europako Batzordeak, hirugarren dosia jaso ezean. Horrela, txertaketa bukatu eta bederatzi hilabete geroago balioa galduko luke. Hala ere, hirugarren dosiak mugagabe luzatuko luke.
Gainera, nahiz eta Estatu kideen oniritzia jaso, aldaketak ez die Eguberriei eragingo, adituek neurria urtarrilaren 10etik aurrera aplikatzea eskatu dutelako, "koordinatzeko denbora nahikoa izateko".
Pandemiaren kudeaketan kaos berri bat saihesteko koordinazioa eskatu die Bruselak Estatu kideei. Horrela, "egoera aldakorraren" aurrean kontrol tresnak egokitzea posible izango da EBn, nahiz eta txertaketa tasa ezberdinak izan Estatu bakoitzean.
Gaixotasunen Prebentziorako eta Kontrolerako Europako Zentroak (ECDC) asteazkenean zabaldutako txostena kontuan hartu du Bruselak. Txostenaren arabera, txertoaren babesak sei hilabeteko iraupena du.
Epe horri beste hiru hilabete gehitzea eskatu du Europako Batzordeak, Estatu kideek hirugarren dosia banatzeko, kanpainak antolatzeko denbora nahikoa izateko, Didier Reynders Justizia komisarioak prentsaurrekoan, Bruselan, azaldu duenez.
Oraingoz, hirugarren dosia hartuta, covid ziurtagiria mugagabe luzatuko litzateke, Europako Batzordeak babesaren inguruko informazio zientifiko gehiago izatea espero duelako. Hala ere, aurrerago egutegi ezberdin bat planteatzea ez du baztertu Bruselak.
Adingabeei dagokionez, sei urtez beherakoek bakarrik ez dituzte baldintzak bete beharko, haien gurasoek covid ziurtagiria baldin badute.
Horrela, 6-12 adin tarteak test negatiboa aurkeztu edo eritasuna gainditu izana egiaztatu beharko du, murrizketarik gabe bidaiatu ahal izateko. Bitartean, 12 urtez gorakoek helduen baldintza berdinak bete beharko dituzte.
Iragan udan biztanleria helduaren % 70 txertatzea helburu bezala jarri zuen EBk, baina 10 estatu kide oraindik ez dira helmugara iritsi. Are gehiago, Bulgariak (% 29), Errumaniak (% 43) eta Eslovakiak (% 54) txertaketa zenbaki eskasagoak dituzte.
Bestalde, kolore maparen metodologia berriz aztertzea proposatu du Europako Batzordeak. Europar Batasun osoan koronabirusaren arriskua neurtzen du mapak. Hiru irizpide nahastea eta txertaketa tasak pisu handiagoa izatea nahi du Bruselak. Koloreen eskalak ez du soilik intzidentzia kontuan hartuko, eremu bakoitzaren txertaketa portzentajea eta egindako proben tasa ere.
Horrela, arrisku oso handiko zonaldeetatik datozen bidaiariei murrizketa gehiago aplikatzea planteatu du Batzordeak, txertoa jaso ez edo eritasuna gainditu ez baldin badute. Bidaiatu baino lehen proba negatibo bat aurkeztu edo koarentena bete beharko lukete.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.