Pfizer konpainia abenduaren erdialdera hasiko da banatzen EBn haurrentzako txertoa
Pfizerren haurrentzako txertoa Osasun Ministerioaren eskuetan geratuko da, Europako Batzordeak merkaturatzeko baimena eman bezain pronto, eta "datozen orduetan" egitea espero da. Hala ere, konpainia ez da abenduaren bigarren hamabostaldia baino lehen banatzen hasiko EBn umeentzako txertoa, Espainiako Botika eta Osasun Produktuen Agentziak (AEMPS) zehaztu duenez.
Sendagaien Europako Agentziak (EMA) txertoa 5-11 adin tartean erabiltzeko oniritzia eman du, "onurak arriskuak baino handiagoak" direla ebatzi ondoren.
AEMPSek gogorarazi duenez, Sendagaien Europako Agentziaren oniritzia jaso ostean, Europako Batzordeak merkaturatzeko baimena eman behar du, txertoa EBko estatu kide guztietan banatu ahal izateko, eta "datozen orduetan egitea espero da".
Haurrentzako formulazio berriak ez du diluziorik behar, eta konpainia "abenduko bigarren hamabostaldian hasiko da Europar Batasunean banatzen, ekoizpen gaitasunaren arabera". Umeek helduen dosiaren heren bat jasoko dute (10 miligramo, 30 barik).
Pauta helduentzako bera da: bi dosi besagainean, bakoitzaren artean hiru asteko denbora tartearekin.
"Lehen dosiak" abenduan bertan iristea espero du Gotzone Sagardui Eusko Jaurlaritzako Osasun sailburuak. "Hala ere, ez dakigu abenduan noiz helduko diren, ezta zenbat dosi iritsiko diren ere", onartu du sailburuak.
Zure interesekoa izan daiteke
Pertsona bat hil da eta beste bat desagertuta dago Biarritzeko itsasargiaren ondoko itsaslabar bat behera etorri ostean
Asteazken arratsaldean Biarritzeko Miramar hondartzaren eta itsasargiaren ondoan izandako luiziaren ondorioz lurperatuta geratu ziren bi pertsonetako baten gorpua berreskuratu dute larrialdietako taldeek.
Kantauri itsasoko ura 25,2 graduan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.
Osakidetzak eTXERTOA ezarri du txertoen kontrola eta segurtasuna hobetzeko
Sistema Bilbo-Basurtu ESIko zenbait zentrotan probatzen ari dira, eta txerto bakoitzaren funtsezko datuak automatikoki erregistratu ahal izango dira eman aurretik.
Bi pertsona zauritu dira Leioako ostalaritzako lokal batean izandako gas-leherketa baten ondorioz
Gertakariaren ondorioz, kaltetutako eraikineko bizilagunak etxetik atera behar izan dituzte, eta udal-teknikariak kalteak ebaluatzen ari dira, Iparragirre kalean.