Arazo ugari izan dira Nafarroako errepideetan elurra dela eta
Iruñerriko hiri garraioan atzerapenak izan dira, igande goizetik hirian egin duen elur kopuru handia dela eta. Gainera, azken orduetan Nafarroan botatako elurraren ondorioz, bigarren mailako lau errepide itxi dituzte (Aralarko San Migelera doana eta Izabatik Iparraldera doana), eta zirkulatzeko kateak behar dira beste bederatzitan.
Goizean, gainera, hainbat tokitan esku hartu behar izan du Guardia Zibilak, autoak bidetik atera direlako; Arbizun, Lantzen eta Genevillan, besteak beste. Arratsaldean, A-15 autobian sortu dira arazo gehienak. Elurra dela eta, ia ezin da igaro Leitza paretik, eta autoek kateak behar dituzte Irurtzun parean (kamioiek ezin dute pasatu).
Errepidera irten aurretik carreteras.navarra.es webean edota 848423500 telefonoan kontsulta egiteko gomendatu du Nafarroako Gobernuak.
Guztira, elurra kentzeko 84 makina prestatu dituzte behar izatekotan jarduteko, eta Babes Zibilekoak denboralearen bilakaeraren jarraipena egiten ari dira.
Elurrak itxita izan du A-15 errepidea
Bestalde, ireki dute A-15 autobiaren Gipuzkoako zatia. Trafikoarentzat itxirik egon da larunbat eguerditik Berastegi eta Andoain artean, elurra dela eta, baina 15:00ak pasatxo zirenean ireki dute, elurraren mailak gora egin duelako.
Gipuzkoako Aldundiak azaroan iragarri zuen A-15aren Gipuzkoako tartea erabat itxiko zutela trafikoarentzat (orotariko ibilgailuak barne) bi norabideetan, 700 metrotik behera elurra egiteko arriskua egotekotan, Belabietako tunelen egokitzapen-lanak direla eta; izan ere, autobian ezarritako saihesbideen ondorioz, elurra kentzeko kamioiak ezin dira bertatik igaro, eta foru erakundeak ez zuen nahi zenbait ibilgailu elur-pilaketa handiengatik harrapatuta gelditzerik.
Albiste gehiago gizartea
Iruñea goitik behera prestatzen ari da igandean lehertuko den festa hartzeko
Bisitariak iritsi eta iritsi ari direlarik, lanean jo eta su ari dira hiritar asko eta asko, festan murgiltzerako dena prest egon dadin. Ostalariak, dendariak, ostatuetako langileak, segurtasun langileak, Udal-brigadak... Izan ere, ez da ezer falta jaia lehertzeko.
Uztailaren 7ko entzierroa, zuzenean
Uztailaren 7ko entzierroa, zuzenean Orainen, 7: 45etatik aurrera.
Aurten ere, sexu-erasoei aurre egiteko informazio gunea, jaiaren erdigunean: Gazteluko plaza
Uztailaren 5etik 14ra arte egongo da martxan, 11:30etik 15:00etara eta 18:00etatik gauerdira arte. Sexu-erasoaren aurrean informazio, sentsibilizazio eta prebentzio gunea da, baita entzute aktiborako eta erasoak salatzeko erreferentzia tokia.
Nafarroak 118 adingabe migratzaile gehiago hartu beharko ditu, eta EAEk ez du bat bera ere jaso beharko
Gazteria eta Haurtzaro Ministerioak Kanariar Uharteetara iritsi diren eta inoren kargura ez dauden adingabeak banatzeko taulak aurkeztu ditu gaur. Kataluniak ere ez du bat bera ere hartu beharko, Euskal Autonomia Erkidegoak bezala orain arte egin duen aldez aurreko harrera-ahaleginagatik.
Iruñeko dendak eta esekitokiak zuriz eta gorriz tindatu dira egunotan
Txupinazoak sanferminei hasiera emateko ordu gutxi falta direnean, iruindar asko dendaz denda dabiltza azken gauzak erosten. Beste askok egun hauetako beroa aprobetxatu dute arropa garbitu eta lehortzeko.
Txupinazoa, entzierroak eta askoz gehiago, hamar egunez, edukiz betetako EITBren programazio berezian
San Fermin jaiak abiapuntu hartuta, programa berriak, jaiekin eta kulturarekin lotutako emanaldiak eta kirol eskaintza zabala izango ditugu uda honetan ETBn. Iazko arrakastaren ondotik, EITBk zuzenean eskainiko ditu Faltzesko entzierroak.
31.000 euroko iruzurra egin dute "tokomotxoa" baliatuz Bilbon
71 eta 80 urteko bi emakumeri eta 82 urteko gizon bati egin diete iruzur Deustu, Santutxu eta Zabala auzoetan.
150.000 euroko kalte ordaina eskatu diote Bilboko ikastetxe bati, bullying kasu baten aurrean ezer ez egiteagatik
Eskola jazarpena jasan zuen ikaslearen abokatuak adierazi duenez, ikastetxeak ez zuen ezer egin neskari ondorio psikiatriko eta fisiko larriak eragin dizkioten erasoak saihesteko.
Pertsona bat zauritu da Arrasateko etxebizitza eraikin batean izandako sute batean
Sua 23:30 aldera piztu da San Josepe kaleko etxebizitza eraikin baten beheko aldean. Lehen unean, lau atari jendez hustu dituzte, baina hiru ataritako bizilagunak etxera itzuli ahal izan dira gauean zehar.
Pasaporteekin izandako arazoa konponduta, Saharako haurrak datorren astean iritsiko dira Euskal Herrira
Saharatik uda igarotzera etortzen diren haurrak aste honetan ziren iristekoak Euskal Herrira. Baina pasaporteekin izandako arazoen ondorioz, ezin izan dute hegazkinik hartu.