Goreneko Fiskaltza Eusko Jaurlaritzak covid ziurtagiria eskatzearen alde azaldu da
Auzitegi Goreneko Fiskaltzak administrazio-auzietarako aretoari txostena igorri dio astelehen honetan. Gaueko aisialdiko lokaletara eta 50 mahai-lagun baino gehiagoko jatetxeetara sartzeko Eusko Jaurlaritzak covid ziurtagiria eskatzearen alde agertu da Fiskaltza txosnenean. Neurri egokia, beharrezkoa eta neurrizkoa dela uste du.
Fiskaltzako iturriek baieztatu dutenez, Ministerio Publikoa Eusko Jaurlaritzak aurkeztutako helegitearen alde azaldu da. Irailaren 14ko Galiziako covid ziurtagiriaren 1112/21 epaia oinarri hartu du Fiskaltzak. Oraingoan, egokitasun, beharrizan eta proportzionaltasun baldintzak betetzen direla uste du.
Eusko Jaurlaritzak helegitea jarri zuen, oniritzia lortzeko asmoz, EAEko Auzitegi Nagusiak covid ziurtagiriaren aplikazioa atzera bota ondoren.
Fiskaltzaren erantzuna mahai gainean duela, orain Goreneko Hirugarren Aretoak bost egun ditu erabakitzeko, baina iturri juridikoek aurreratu dutenez, ebazpena epea bukatu baino lehen jakitera emango dute.
Orain, Auzitegi Goreneko Administrazio-auzietarako aretoak gaiari "lehentasuna" eman eta erabaki beharko du.
Errege-dekretuaren arabera, erabaki baino lehen, aretoak Ministerio Fiskalari iritzia eskatu behar zion -egin bezala- baita aldeei ere, "hiru egunen buruan alegazioak aurkeztu ahal izateko".
Ostalaritza eta gaueko aisialdi lokaletara sartzeko covid ziurtagiria eskatzeko baimena eta bermea eman zion Gorenak Galiziako Gobernuari iragan irailean.
Orduan, Xuntak Galiziako Auzitegia Nagusiaren aurkako ebazpenaren kontra jarritako errekurtsoa onartu zuen Administrazio-auzietarako aretoak. Galiziako Auzitegi Nagusiak neurriaren aplikazioa atzera bota zuen iragan abuztuan.
Zure interesekoa izan daiteke
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.