Abenduko zubian edo Gabonetan hegazkinez bidaiatzeko aholkuak
Hegaldien erreklamazioetan espezializatuta dagoen Bilboko abokatu taldeak (Erreklamatu, aurrerantzean) hainbat gomendio egin dizkie abenduko zubian edo Gabonetan hegazkin bat hartu behar dutenei.
Koronabirusaren kutsatzeak Europa osoan gora egiten ari diren honetan, helmugako tokian pandemiaren egoera zein den aintzat hartzea aholkatu die. Halaber, bertan sartzeko baldintzak begiratzea eta txertatuta egonez gero jasotako txertoa herrialde horretan homologatuta dagoen egiaztatzea ere iradoki die. Izan ere, txerto batzuk ez dituzte ontzat hartzen herrialde batzuetan eta beste batzuetan koronabirusa gainditu izana ez da pauta osoa bete izanaren pareko.
Adibidez, pandemiaren ondorioz hegaldiak bertan behera gelditu daitezke edota aldaketak egon daitezke bisa eskuratzeko prozeduran edo herrialdera sartzeko baldintzetan (derrigorrezko koarentena, esaterako).
Antza denez, gero eta ohikoagoa da aste batzuk lehenago hegazkin konpainiek erabiltzaileei jakinaraztea hegaldia aurreratu edo atzeratu egin dela. Orduan azken horrek erabaki behar du aldaketa onartu edo txartelaren dirua itzultzeko eskatu. Enpresak aldaketa 15 eguneko aurrerapenarekin egiten badu, bidaiariak ez dauka eskubiderik kalte-ordainik eskatzeko, ezta gastuak erreklamatzeko ere.
Covid-19a edo beste arrazoi bat tarteko, hegaldia bertan behera gelditzen bada bidaiariak eskubidea du txartelaren dirua kobratzeko edo bidaiatzeko alternatibaren bat jasotzeko. Aireportuan ez atzera ez aurrera geldituz gero, konpainiak gastuak (janaria, edatekoa, ostatua) ordaindu beharko dizkio. Garrantzitsua da fakturak gordetzea gero erreklamazioak egiteko. Horrez gain, hegaldia bertan behera uztearen arrazoia hegazkin konpainiari egotzi ahal bazaio eskubidea izango du kalte-ordaina jasotzeko.
Hegaldiak hiru ordutik gorako atzerapena badu edo konpainiak maletak galtzen baditu, bidaiariak kalte ordaina eta gorabeherak eragin dizkion gastu guztiak itzultzea eskatu ahalko du.
Oraindik bidaiatzeko txartelik erosi ez dutenei, berriz, txartel malgu bat erostea gomendatzen die Erreklamatuk, egoeraren arabera bidaia bertan behera uzteko edo datak edo aldatu ahal izateko.
Aipaturiko gomendio horiei hegazkinez bidaiatzerakoan ohikoak direnak gehitu behar zaizkie:
- Aurreko egunetan online fakturazioa egin (check-in) eta hegazkin txartela deskargatu edo inprimatu behar diren gainerako dokumentuekin batera
- Aireportura garaiz joan maletak fakturatu, segurtasun-kontrola igaro eta sor daitekeen edozein ezustekori aurre egiteko
- Uneoro musukoa jantzita eraman. Maskara kirurgikoa erabiliz gero aldatu lau ordu igarotzen direnean
Zure interesekoa izan daiteke
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulante modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.
Espainiak eskatutakoari entzungor eginez, Schengen berrezartzeari ezetz esan dio Italiak
Ceutan piztutako krisiaren harira, Schengen akordioa eten eta mugetan kontrolak egiteari ekin zion abuztuaren 1ean Meloniren gobernuak. Espainiako Gobernuak igandera arteko epea eman dio Italiakoari neurria bertan behera uzteko, baina Meloniren gobernuak lehengo lepotik du burua: "Abuztuaren 15etik aurrera aztertuko dugu gaia".
Eguzki eklipseak tren gehiago eta mugikortasun zerbitzu indartua ekarriko ditu abuztuaren 12an
Abuztuaren 12an izango da ikusgai, iluntzean. Milaka pertsona erakartzea espero den fenomeno horren aurrean, administrazioek segurtasun dispositibo zabala prestatu dute, mugikortasun segurua eta antolatua bermatzeko helburuarekin.
'Atyla' itsasontzi historikoan sartuko gara, 'Game of Thrones'en unibertsoko targaryendarren ontzian
Ontzia 1980a eta 1984a bitartean egin zuten Lekeition (Bizkaia), artisau moduan, pinu, haritz eta iroko egurra erabiliz. Itsasontzia Donostiako portuko kaian bisitatu ahalko da asteburu honetan, 11:00etatik 14:00etara eta 17:00etatik 21:00etara.
EITBk zuzenean eskainiko du abuztuko eguzki eklipse historikoa, hainbat seinale eta bi globo estratosferiko baliatuz
Saio berezia 19:30etik aurrera izango da ikusgai ETBn, ETB ONen eta ORAINen. Horrez gain, EITBk Eklipse Gaua antolatu du Donostiako Saguesen: eklipsea zuzenean ikusteko pantailak, musika eta behaketa modu seguruan egiteko betaurrekoak izango dira bertan.
Luciaren amesgaiztoa Bilbon: pisu "perfektua" alokatu, eta hiru egunen buruan, maula baten biktima dela konturatu
Bi seme-alaba dituen venezuelar batek 2.000 euro ordaindu ditu Deustun alokairuko etxebizitza batengatik, baina etxea apartamentu turistiko bat da berez. Iruzurgileak gutxienez 10 pertsonari alokatu die, tartean Luciari berari. Biktima horrekin mintzatu da EITB.