7 urteko espetxealdia baieztatu diote 2018ko apirilean, Lizarran, bere laguna bortxatzeagatik
Lurralde Auzitegiak iragan maiatzean ezarritako espetxe-zigorra berretsi du Nafarroako Auzitegi Nagusiak. Horrela, 2018ko apirilean, Lizarran, bere laguna bortxatzeagatik 7 urteko espetxealdia berretsi diote erasotzaileari.
Kartzela-zigorraz gain, 29 urteko auzipetuari 5 urteko zaintzapeko askatasuna ezarri zion Lurralde Auzitegiak, baita 10 urtez biktimarengana 300 metro baino gutxiagora hurbiltzeko debekua ere, Nafarroako Auzitegi Nagusiak ohar batean jakitera eman duenez.
Sententziari errekurtsoa jar diezaiokete Gorenaren aurrean. Defentsak aurkeztutako helegitea atzera bota du Nafarroako Auzitegi Nagusiak. Absoluzioa eskatu zuten erasotzailearen abokatuak eta Fiskaltzak. Dagoeneko epaiketan akusatuaren absoluzioa eskatu zuen fiskalak.
Auzitegi Nagusiko magistratuek, aldiz, biktimaren testigantza babestu dute. Beste froga batzuek lekukotza berretsi zuten jadanik.
Horrela, Lurralde Auzitegiak azaldutako gertakariak berriro jazo ditu gai penaletarako aretoak epaian. 2018ko martxoaren 31n, biktima bere mutil-lagunarekin, akusatuak antolatutako festa batera joan zen, Lizarrako taberna batera. Semearen jaiotza bikotekidearekin ospatzeko asmoa zuen auzipetuak.
Apirilaren 1eko 05:00ak aldera, gonbidatu batzuek, salatzailea tartean, ospakizunarekin jarraitu zuten herriko diskoteka batean. Emakumea dirurik gabe geratu zen, eta kutxazain batera joatea erabaki zuen. Akusatuak lagundu zion. Biktimaren mutil-laguna diskotekan geratu zen.
Ibilbidean, atari batean berbetan egon ziren 06:21etik 06:42ra. Emakumeak hotz zuen diskotekatik berokirik gabe atera zelako, eta azkenean kutxazainera hurbiltzea baztertu zuen. Bere ibilgailuan sartzea eskaini zion akusatuak emakumeari, bertan berotzeko eta diskotekara itzultzeko, gertu baitzeuden.
Diskotekara eraman beharrean, ordea, autoan berotzeko aitzakiarekin, igerilekutik hurbil dagoen zonalde batera eraman eta ibilgailua aparkatu zuen gizonak. Emakumeak hotz zuenez, eta "uzkurturik" zegoela ikusita, atzeko eserlekuetara pasatzea proposatu zion auzipetuak.
Orduan, gizonak oso gustuko zuela esan zion, eta "ukitzen" hasi zen. Biktimaren aurrean jarri, prakak eta azpiko arropa indarrez kendu zizkion, eta bortxatu zuen.
Erasoan zehar, emakumea gizona "gainetik kentzen" saiatu zen "bultzakaden bidez", gelditzeko eskatzen zion bitartean, bere emaztea festan zegoela, aita izan behar zuela esanaz. "Baina bera ez zen gelditu", frogatutzat jo zuen Lurralde Auzitegiak. Ondoren, indarrez biktimari aho-sexua egin zion, eta bigarrenez bortxatu zuen.
Erasoak amaitu ondoren, emakumeak aita-amaginarrebei telefonoz deitu zien. Haiek bertaratu ziren. Akusatuak erasoa tokian bertan aitortu zuen aita-amaginarreben aurrean.
Lauak ospitale batera joan ziren. Han, Lizarrako udaltzain baten aurrean, erasoa berriro onartu zuen auzipetuak "naturaltasunez".
Mozkorkeriaren aringarria aplikatu zion Lurralde Auzitegiak; izan ere, berak zein erasotzaileak gau hartan "asko edan" zutela azaldu zuen biktimak.
Hala ere, defentsak azaldutakoa argudio guztiak atzera bota ditu Auzitegi Nagusiak, nahiz eta Ministerio Fiskalak defentsarekin bat egin.
Zure interesekoa izan daiteke
Lekuko-hartze "sinboliko eta hunkigarriak" izango dituela aurtengo Korrikak aurreratu dute antolatzaileek
EITBren Bilboko egoitzan egin dute AEKren aldeko lasterketaren aurkezpen soziala. Gizarteko eragile ugari izan dira bertan. Aurtengo edizioan 3.400 lekuko-hartze baino gehiago izango direla iragarri dute antolatzaileek, inoiz baino gehiago, eta horietako asko "sinbolikoak eta hunkigarriak" izango direla diote.
Protesta jendetsua Eibarren, haurreskoletan plaza nahikorik ez dagoela salatzeko
Dozenaka familiak protesta zaratatsua egin dute ostegun honetan Eibarko Untzaga plazan, herriko haurreskoletan plaza nahikorik ez dagoela salatzeko.
Rene Redzepi Noma jatetxeko sukaldari daniarrak kargua utziko du, langile ohiek abusuak leporatu ondoren
2009. eta 2017. urteen artean Redzepik kalte fisikoak eta psikologikoak eragin zizkiela salatu zuten jatetxe horretako dozenaka langile ohik. "Aldaketek ez dute iragana konpontzen", azpimarratu du Redzepik.
Realak Sevillan jokatuko duen Kopako finalerako sarrera faltsuak saltzen ari direla ohartarazi du Ertzaintzak
Zale batek jarritako salaketa baten bidez, Ertzaintzak izapideak ireki ditu ustezko iruzur-delitu batengatik.
Osakidetzako 1.047 profesionalek salatu zituzten erasoak 2025ean; horietatik 856, emakumeak
Osasun Profesionalen aurkako Erasoen kontrako Europako Eguna dela eta, ostegun honetan, Osakidetzak zehaztu du 2025ean jakinarazitako eraso guztietatik 94tan (% 9) lesioa eragin zutela, gehienek bajarik eragin gabe. Gainerakoak, 953 guztira (% 91), lesiorik gabeko erasoak izan ziren, hala nola irainak eta mehatxuak.
Ikerketaren arabera, ezbeharra izan zen pasabideko torlojuak oso herdoilduta zeuden
Bocal inguruan izandako istripuaren ondorioz Polizia Zientifikoak egindako ikuskapenaren arabera, euskarriak eta torlojuak herdoilak janda zeuden.
Beloradoko moja ohiak monasteriotik atera dira, epea amaitu baino ordu batzuk lehenago
Francisco Canals Beloradoko moja ohien bozeramaileak jakinarazi duenez, 02:46an atera dira monasteriotik. Hori egin aurretik, Laura Garcia de Viedma abadesa ohiak elizako aldarean zegoen azken kandela eta eraikineko argi guztiak itzali ditu.
Azkenekoz Fustiñanan ikusi zuten 17 urteko neska baten bila ari dira
Zabaldutako datuen arabera, 1,60 metro luze da, gorpuzkera mehea du, eta begi marroiak eta ile beltz luzea ditu.
Hiztunen Berdintasunaren Alde: "Gure plataforma ez dago inongo trama, konplot edo konspiraziorekin nahastuta"
Elkarteak defendatu du bere jarduera bakarra Osakidetzako langileen "lan-eskubideak defendatzea" dela, eta ziurtatu du "erkidegoko bigarren hizkuntza" den euskara "beti" errespetatzen dutela.
Ertzaintzak gizon bat atxilotu du Bilbon, emakume bati sexu-erasoa egiten saiatzeagatik
Biktimak jarritako salaketaren arabera, San Frantzisko kaleko atari batean sexu-erasoa egiten saiatu zen atxilotua, 42 urteko gizona. Sexu-askatasunaren aurkako delitua leporatuta atxilotu dute.