Osakidetzak omikron aldaeraren 220 kasu atzeman ditu EAEn
Osakidetzak omikron aldaeraren 220 kasu atzeman ditu Euskal Autonomia Erkidegoan (EAE), Gotzone Sagardui Osasun sailburuak gaur jakinarazi duenez. Euskadiko osasun arduradun nagusia Eusko Legebiltzarrean izan da, Osasun Batzordean, egoera epidemiologikoaren nondik norakoen berri eman eta talde parlamentarioen galderei erantzuteko.
Aldaera berriak gero eta presentzia gehiago du gure artean. Izan ere, duela astebete aurreneko sei kasuak baieztatu zituen osasun sistema publikoak, eta ordutik nabarmen hazi da kopurua, bi ehunekotik gora iristeraino. Sagarduik emandako datuen arabera, gaur gaurkoz kutsatzeen herenaren erantzule da omikron.
Pandemiaren gainerako adierazleen berri ere eman du Sagarduik: 324 pertsona daude ospitaleetan eta ZIUetan, gaixo larri. Horrez gain, intzidentzia tasa metatua 1.179 kasukoa da 100.000 biztanleko.
Sagarduiren hitzetan, "zubiaren ondorioak pairatzen ari gara (…) Pandemiak okerrera egin du, kutsatzeak asko igo dira, eta erietxeetako presioa hazten ari da. Epe laburrera ez dugu joera aldaketarik aurreikusten".
Testuinguru horretan, "ate joka dauden Gabon jaiekin kezkatuta" azaldu da Osasun sailburuak, eta jakinarazi du LABI teknikoak gomendio sorta helarazi diela bilkura horietan izurria gehiago zabaldu ez dadin. Hala, 10 pertsona (bi familia, gehienez) baino gehiago ez biltzea aholkatu eta "platerak eta besarkadak partekatzea edo aerosolak aska daitezkeen ekintzak saihesteko" dei egin du.
Era berean, nabarmendu du "eguneko albiste on bakarra" txertaketa dela. Horren ildoan, iragarri du bihartik hasita zabalik egongo dira 55-59 urtekoentzako hirugarren dosirako hitzorduak. Halaber, 60 urtetik gorakoen ia % 80k hirugarren ziztada hartu dutela zehaztu du. Haurren txertaketari dagokionez, esan du 15.269 umek jaso dutela jada lehen dosia, 5-11 urtekoen % 8, gutxi gorabehera.
Oposizioak prebentziozko neurri gehiago eskatu ditu
Sailburuaren datu eta azalpenak jaso ostean, talde parlamentarioen ordezkarien txanda izan da (txikitik handira). Oposizioak neurri prebentibo gehiago eskatu eta covid ziurtagiriaren eraginkortasuna zalantza jarri ditu. Jaurlaritza osatzen duten bi alderdietako (EAJ eta PSE-EE) ordezkariek, bestalde, Osasun Sailaren kudeaketa babestu eta gainerako indar politikoek "kritikatzeagatik" kritikatzen dituztela salatu dute.
Amaia Martinez (Vox) izan da hitza hartzen lehena. Txertaketaren alde mintzatu da, baina "norberaren askatasuna errespetatuta". Horren ildoan, covid ziurtagiria eskatzearen kontra dagoela argitu du: "Agerian geratu da ez dituela kutsatzeak kontrolatzen".
Laura Garridok (PP+Cs) eskoletako eta familien artean dagoen egoera hartu du hizpide. Osakidetzak "irizpide bakarra" ez duela salatu eta familiek kontziliatzeko dituzten arazoen berri eman du.
Elkarrekin Podemos-IUren izenean aritu den Jon Hernandezen ustez, Jaurlaritza ez da "neurri nahikoak" hartzen ari, eta hartzen dituenak "berandu" datozela erantsi du. Horren aburuz, "garrantzi larregi ematen ari zaio covid ziurtagiriari".
Rebeka Uberak (EH Bildu) salatu du prebentzio neurriak falta direla, eta "neurri murriztaileak" alde batera uzteko eskatu dio Sagarduiri. Koalizio subiranistaren berbetan, covid pasaportea "ez da tresna baliagarri bat" eta txertaketan eragina izango duenik ere zalantzak jarri du.
Zure interesekoa izan daiteke
Kontrolpean dute goizaldean Gueñes inguruetan piztu den baso-sutea
Sutea ez da handia, baina iristeko leku zailean dago, eta horrek zaildu egiten du egoera, baita boladaka oso gogor jotzen duen haizeak ere. Haizea dela-eta, oraingoz ezin izan diote suari airez aurre egin. Ez dago etxerik inguru horretan, eta ez da inor zauritu, baina Bi-3651 errepidea itxi dute Zaramillo eta Quadra artean.
Madrildik eta Alacantetik zetozen bi hegaldik ezin izan dute Bilboko aireportuan lur hartu haizeagatik
Madrildik zetorren hegaldiak 07:40an lur hartu behar zuen Loiuko aireportuan, baina Madrilera itzuli da. Alacantetik zetorrena, berriz, Forondara desbideratu dute.
Albiste izango dira: Gau Beltza, 'Arestiren etxekoak' hizketaldi musikatua eta Bizkaiko 2026ko Aurrekontuak
Gaurkoan Orainen albiste izango direnen laburpena, bi hitzetan.
Gau Beltza: Non gozatu urteko gau iluneneko jarduera beldurgarrienez?
Halloween baino zaharragoa den euskal tradizioarekin bat egiten dute Euskal Herriko herri askok: uztaren amaiera eta neguaren hasiera ospatzeko eta hildakoak oroitzeko festa zen Gau Beltza edo Arimen Gaua deiturikoa, eta azken urteetan indarrez itzuli da gurera.
Nola bizi dute Hildakoen Eguna Euskal Herrian bizi diren mexikarrek? “Mexikon heriotza alaitasunez ospatzen dugu”
Tapachula jatetxeko Kattyk, Mexikotik urrun, Hildakoen Eguna nola bizi duen kontatu digu: “Bertan ez daudenak alaitasunez gogoratzeko ospakizuna da”.
Santurtziko Udalak aurreikusi du ostiralean sartu-irteerak egin ahal izango dituztela hondoratze baten ondorioz euren etxebizitzetan konfinatutako auzokideek
Debido a la gravedad del suceso, el Ayuntamiento de Santurtzi, de forma subsidiaria, va a acometer los trabajos, ya que se trata de una zona privada. Las labores ya se han iniciado y se espera que mañana los vecinos puedan acceder a las viviendas.
Espetxera bidali dituzte sexu-erasoa egiteagatik Iruñean atxilotutako lau gizonak
El auto afirma que existe “riesgo grave de fuga y de ocultación de pruebas” y se les imputa un delito de agresión sexual y otro de robo.
Zallan trenak harrapatuta hildako gidaria banatzaile lanetan ari zen, ELAren arabera
Sindikatuak zabaldu dituen datuek diote aurten lanean hil diren pertsonen % 29 gidariak izan direla eta jasaten dituzten “lan erritmo altuak” salatu ditu.
Bilboko Aste Nagusia, noiz? Eztabaida puri-purian dago kalean
Bilboko jaiak, normalean, abuztuaren 15aren ondorengo lehen larunbatean hasten dira, eta hori dela-eta, aurten oso goiz izan dira, 16tik aurrerako astea. Horrek ondorio nabarmena izan zuen jendearen erantzunean: jende gutxiago ibili zen lehen egunetan, eta, besteak beste ostalariak oso haserre ziren. PPk eskatuta udalean aztertu dute jaiak beti azken astean izatea, baina proposamena ez da atera. Hori bai, afera kalean puri-purian dago.
Kamerak ikasgeletan: Sindikatuak kexu, Hezkuntzak dio helburu pedagogikoa dutela
Sindikatuek salatu dute hezkuntza komunitateak ez dakiela kamerak zein helbururekin jarri dituzten. Gainera, haien ustez, irakasleen gaineko kontrola handitu eta ikasleen intimitatea urratzen du. Hezkuntza Sailak oharra bidali du ikastetxeetara, azaltzeko helburua pedagogikoa dela, ikastetxe bakoitzak erabakiko duela zenbat kamera eta non jarri, eta irakasle bakoitzak izango duela kamera piztu eta itzaltzeko aukera.