Verter Recyclingeko arduradunek epailearen aurrean deklaratzeari uko egin diote
Verter Recicling enpresako arduradun nagusiek, tartean enpresaren jabeak, Jose Ignacio Barinagak eta Juan Etxebarria ingeniariak, Zaldibarko zabortegian gertatu zen luiziaren harira deklaratu behar zuten gaur goizean Durangoko epaitegian, baina ez deklaratzeko eskubidea baliatu dute eta ez dute inolako azalpenik eman.
Zaldibarko zabortegian izandako hondamendian Alberto Sololuze eta Joaquin Beltran langileak hil ziren, baina Durangoko epaitegiari gertakari hark ingurumenean izan zuen kaltea argitzea dagokio. Barinagari ingurumenaren eta osasun publikoaren aurkako delitua leporatzen diote.
Gaurko saioan Arrate Bilbao Verter Recyclingeko kudeatzaileak ere deklaratu behar zuen, baina ez da epaitegira joan, covid-19arne proban positibo eman duela eta etxean konfinatuta dagoelako.
Ekologistak Martxanek eta Euskal Herriko Eskubide Sozialen Gutunak osatzen dute herri-akusazioa auzi honetan.
Carlos Alonso abokatuak kazetarien aurrean azpimarratu du prozesu judiziala oraindik ikerketa fasean dagoela, Zaldibarko zabortegiko luizia geratu zenetik ia bi urte igaro badira ere. Ezbeharra 2020ko otsailaren 6an jazo zen.
Berak jakinarazi du Barinagak eta Etxeberriak ez deklaratzeko aukera erabili dutela eta Bilbao beste egun batean deituko dutela epailearen aurrean.
Horrez gain, Alonsok iragarri du orain arte bildu duten informazio guztiarekin, Estatuko Fiskaltza Nagusiaren ingurumen unitate bereziko adituei txosten bat egin dezatela eskatu dietela. Halaber, epaitegiko aditu batek beste ikerketa bat egingo duela erantsi du.
Zabortegiari buruko ikerketak aurrera jarraituko duela eta beste hainbat kontu aztertuko dituztela adierazi du, tartean bi langileen gorpuak bilatzeko eta ondoren medi-magala egonkortzeko egin ziren lanei buruzkoa.
Instrukzio fasea urtarrilean amaitu behar zen, baina Fiskaltzak eta herri-akusazioak epea luzatzea eskatu dute, kasua oso konplexua dela eta.
Epaiketa hasi baino minutu batzuk lehenago, Euskal Herriko Eskubide Sozialen aldeko Kartak eta Zaldibar Argitu Plataformak deituta, kontzentrazioa egin dute Epaitegiaren aurrean, zabortegiko luiziaren erantzukizunak argitzea eskatzeko.
Gaizka Zabarte Zaldibarko Argitu elkarteko ordezkariak adierazi duenez, prozedura judizialean enpresa jabearen arduradunek ez ezik, euskal erakundeen arduradunek ere egon beharko lukete, "haien jarduna ahalbidetuko lukeen lege-esparrurik gabe ez litzatekeelako luizia gertatuko".
Zaldibarko zabortegiko hiru arduradunak, Fiskaltza eta biktimen familiek akordioa egin zuten pasaden irailean. Sei hilabeteko kartzela zigorra onartuko zuten hiru akusatuek, zuhurtziagabekeriazko giza hilketa eta langileen segurtasunaren kontrako delituengatik. Bi aldeek kartzela zigorra ez betetzea adostu zuten, baita familiei ordaindu beharreko kalte-ordainaren zenbatekoa ere.
Zure interesekoa izan daiteke
Ospakizuna lehertu da Orion eta Donostian, Kontxako bandera irabazita
Ospakizunetan dira igande osoan Orion, herriko arraunlariek Kontxako Bandera eraman ostean: 34. astindu dute gaur. Herritarren babesa jaso dute beste behin ere arraunlariek. Eguneko beste txapeldunak Arraun lagunakekoak izan dira. Eguerdian hasi dute ospakizuna zaleekin, Kontxako bandera preziatua bosgarrenez irabazi ondoren.
Lurraldebusek Donostiatik Eskuzaitzeta industrialdera eta Zubietara doan linea berria estreinatuko du irailaren 21ean
Linea berriak industrialdeko langileei emango die zerbitzua, baita Zubietako espetxera joaten direnei eta Zubietara joaten diren Realeko zaleei ere.
Giro aparta Kontxako Banderaren bigarren jardunaldian
Kontxako Banderaren bigarren jardunaldiak jai giroz bete du Donostia, kolore ugariz. Familiek, gazteek eta beteranoek traineruen emozioa partekatu dute, eta ertzetatik animatu dituzte euren taldeak. Poza bereziki nabaria izan da Arraun Lagunak eta Orio taldeen zaleen artean, euren traineruen garaipena ospatu baitute.
Imsersoren bidaiak bihartik aurrera egongo dira eskuragarri Hego Euskal Herriko pentsiodunentzat
Nafarrentzat astelehenean abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.