Bederatzi hilabetera mugatu du covid ziurtagiria Europako Batzordeak, dosi gehigarririk gabe
Europako Batzordeak astearte honetan erabaki du covid ziurtagiriaren balioa bederatzi hilabetera mugatzea Europar Batasunean zehar bidaiatzeko, dosi gehigarririk gabe; neurria 2022ko otsailaren 1ean sartuko da indarrean, Europako herrialdeek alegaziorik aurkeztu ezean.
Schengen eremutik zehar bidaiatzeko orduan ziurtagiriaren erabilera harmonizatzeko soilik pentsatuta dago proposamena, baina Bruselak Europar Batasuneko herrialdeei berretsi die bederatzi hilabetera ere luzatu behar dutela dokumentuaren balioa, tabernetan edo jatetxeetan sartzeko behar denean, esaterako.
Muga honekin Bruselak indartze-dosia bultzatu nahi du, azken dosia eman eta sei hilabetera antigorputzak murriztu egiten direla egiaztatu baita. EBko Exekutiboak zehaztu duenez, bere proposamenak ez ditu oztopatzen hainbat Estatu kidek ezarritako neurriak omikron aldaeraren aurrean; esaterako, SARS-CoV-2 sisteman test negatibo bat aurkezteko betebeharra, baita txertatutako pertsonentzat ere.
Erakundearen arabera goiz da esateko dosi gehigarrirekin covid ziurtagiriaren baliozkotasuna noiz arte egongo den indarrean, oraindik ere antigorputzek zenbat denbora irauten duten jakin behar delako.
Albiste gehiago gizartea
Ehunka lagun bildu dira Bilbon Begoñako Amaren egunean
bilbotarrek eta bizkaitarren Begoñako Amaren erromeria erromeria ospatzen dute urriaren 11n. Gaur, ehunka lagun hurbildu dira basilika ingurura giroaz gozatzera. Zazpi Kaleetan ere txikiteroek gorazarre egin diote Begoñako Amari. Dantzatu, lore eskaintza egin eta Bizkaiko txakolina egin dute bildutako mahatsa zapalduta.
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Trafikoa bere onera itzuli da AP-8an Astigarragan, kamioi batek su hartu duelako itxita egon eta gero
Bilborako noranzkoan ere etenda egon da zirkulazioa larunbat goizean, baina bere onera itzuli da eguerdirako.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.