Euria gutxitu egingo da leku askotan, baina ez da erabat atertuko
Prezipitazioak ez dira goizaldean bezain ugariak izango. Gauerditik eguerdira arte, batez ere Gipuzkoa ekialdean, metro koadroko 60 litro inguru pilatu dira. Datozen orduetan, eta eguna amaitu arte, 20 litro pilatu litezke metro koadroko Gipuzkoako zenbait tokitan, Euskalmeten arabera.
Hala ere, bihar, egunaren lehen partean, euria eta zerua oso hodeitsu egongo dira. Euskal Autonomia Erkidegoaren iparraldean eta mendebaldean eragin handiagoa izango dute. Orduak aurrera joan ahala, eguraldiak hobera egingo du egunaren bigarren zatian.
Asteazkenean egun eguzkitsua izango dugu, giro hotzarekin, baina. Lehenengo orduetan laino batzuk geratuko dira mendebalde aldean; goizaldetik aurrera, ordea, zerua garbia izango da eta ez du euririk egingo.
Nafarroako ipar-ekialdea, alerta horian
Nafarroan, isurialde atlantikoak alerta horian jarraitzen du euriteengatik. Alerta ez da 18:00ak arte etengo. Metro koadroko 60 litro pilatu dira eguneko lehen hamabi orduetan; amaitzen denerako 100 litro pilatzea espero da.
Era berean, Nafarroako Pirinioa alerta horian da euriteengatik eta elur-jausiengatik. Zaparrada mardulak izango dira 18:00ak arte, eta eguna amaitzerako 100 litrora iritsiko dira. Kota altuenetan, elur-jausiak eta elurra izango dira 14:00etatik gauerdira arte. Gainera, alerta horia izango da urtzaroengatik bihar goizetik eguerdira bitartean.
Ipar Euskal Herria, alerta gorrian
Eguraldia zakarragoa da Iparraldean. Alerta gorriarekin jarraituko dute 18:00ak arte; halere, Frantziako eguraldi agentziaren arabera alerta laranjarekin jarraituko dute gauerdira arte. Bihar, ordu txikietatik goizaldera arte euriteen arriskua txikiagoa izango da.
Uholdeen alerta gorriak berdintsu jarraituko du egunean zehar. Era berean, alerta laranja izango da elur-jausiengatik bihar goizera arte. Alerta horia ere bada Iparraldean haizearengatik; biharko 05:00ak arte joko dute haizeteek.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.