Festa giro gutxi Donostiako kaleetan, San Sebastian bezperan
Festa giro gutxi Donostiako kaleetan San Sebastian bezperan. Dendetan eta etxeetako balkoi batzuetan ipinitako banderek eta kolore zuri urdinek gogoratzen dute zer egun den. Hiritar gehienek etxean, afari goxo batekin ospatuko dute.
Gaztelubide elkartekoek ezin izango diote gaur Konstituzio plazan festari hasiera eman. Elkartean bazkide batzuek afalduko dute, baina presidenteak berak etxean egingo du, beraz, gogo gutxi. Elkarteetan, jatetxeetan bezala, edukierari buruzko araudia bete beharko dute.
Hau guztia, gauean Anoetan Kopako partida jokatuko dela. Eneko Goia alkateak ez du ulertzen "kontraesana".
San Sebastian egunaren bezperan, ez da ohiko danborradarik ospatuko koronabirusaren pandemia dela eta, baina beste ospakizun batzuk izango dira. Bestalde, jai bezpera honetan Realak Atletico Madrilen aurka jokatuko du Errege Kopako final-zortzirenetako partida Reale Arenan.
San Sebastian egun handiko ekitaldien artean, Udal Txistulari Bandaren kontzertua, Hiritar Merezimenduaren Dominak eta leihoak eta balkoiak hiriko banderarekin apaintzeko ekimena daude.
Gainera, 3.000 haurrek parte hartuko dute ostegun honetan, urtarrilak 20, 12:00etatik aurrera Haur Danborradan, ohiko parte-hartzearen % 63rekin.
Pandemiaren egungo araudiak eragotzi egiten du 800 pertsona baino gehiago biltzea kanpoko ekitaldi kulturaletan; beraz, haurrentzako bost danborrada antolatu dituzte beste hainbeste espaziotan, eta bakoitzak kilometro eta erdiko ibilbidea egingo du, ohiko martxen doinupean.
Loiolako Erriberetan 600 haur egongo dira, Bidebietan 425, Grosen eta Ulian 550, Antiguan 600 eta erdialdean 790.
Dominak
Urtero San Sebastian Eguneko jaia iristen denean, Donostiako Udalak Hiritar Merezimenduaren Domina ematen dizkie hiriari izaera bereziko zerbitzua eskaini dioten pertsonei edo entitateei.
Aurten Añorga KKE, Bidegin, Jose Maria Leclercq, Kresala Zinekluba eta Zurriola Antzerki Eskolak lortu dituzte dominak.
Bestalde, Esther Ferrer artistak ezin izan du Donostiara joan 2022ko Urrezko Danborra jasotzera medikuaren aholkuagatik, eta Eneko Goia alkatearen eskutik jaso du saria igande honetan Parisen, bere etxean.
Urrezko Danborra pertsona fisikoei edo juridikoei ematen zaie, haien eguneroko lana, ibilbide eta ospe profesionala, edo beste alderdiren bat saritzeko, aktiboki eta nabarmen lagundu dutelako hiriaren kanpo-irudi positibo eta erakargarri bat finkatzen.
EITBren programazioa
Gaur guean, ETB1ek eta eitb.eus-ek "Danborrada Gaua Gogoratuz" saio berezia eskainiko dute 23:45ean hasita. Pandemiaren eraginez, San Sebastian Bezperako jairik ez dagoen honetan, donostiar, azpeitiar eta oro har Donostiako jaia maite duen euska jendarteari proposamen berezia eskaini nahi die ETBk, danborrada gogoratu eta etxean disfruta dezaten.
Hortaz, eta, hasteko, arratsaldean Victoria Eugenian izango den Merezimendu dominak eta Urrezko Danborra eskaintzeko ekitaldiaren laburpena eskainiko da, Imanol Artolak aurkeztuta. Bertan, haur danborradaren ekitaldiaren aurkezpen bideoa eskainiko da, eta Aitor Oyarzabal Union Artesanako danbor nagusiari elkarrizketa.
Ondoren, 00:00etan, Donostian jotako 2020ko danborradako pieza eta danborrada ezberdinetako ordezkarien adierazpenak biltzen dituen saioa emango da.
Eguraldia
Euskalmet Euskal Meteorologia Agentziak iragarri duenez, asteazken honetan egun eguzkitsua izango da hegoaldean, eta hodei ugari izango dira iparraldean, eta tenperaturak ez du aldaketa handirik izango.
Ostegunean, ordea, euri txikia egingo du. Oso aktiboa ez den fronte baten ondorioz, zerua oso hodeitsu egongo da eta prezipitazio txiki batzuk egingo ditu. Prezipitazio horiek batez ere ipar partean eroriko dira, eta zenbat eta hegoalderago, orduan eta aukera gutxiago izango dira. Eguerditik aurrera ipar edo ipar-ekialdeko haizea nagusituko da eta intentsitatea irabaziko du. Tenperatura minimoak ez dira hain baxuak izango, baina giroa freskatu egingo da arratsaldetik aurrera.
Zure interesekoa izan daiteke
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.
Heriotzen kopurua jaiotzena baino ia bi aldiz handiagoa da EAEn
Heriotzak 6.253 izan ziren urteko lehen hiruhilekoan, aurreko urtean baino % 0,8 gutxiago, eta jaiotakoak bainoa 3.008 gehiago.
Espainiako Abokatu Kristauen Fundazioak hiru urteko espetxe-zigorra eskatu du Bernedoko udalekuen auzian ikertutako 15 kiderentzat
Gasteizko Instrukzio Epaitegiak gaur hartuko die deklarazioa 15 ikertuei, eta testuinguru horretan egin du iragarpena herri-akusazio gisa ari den elkarteak. Bestalde, euskal udalekuetako kideek adierazi dute ez dutela prozesuaren berri emango, adingabeen eskubideak babesteko.
Lanbide Heziketak ia 8.000 plaza gehiagorekin ekin dio ikasturteari, bi gradu bikoitz berrirekin
Ia 75.000 plaza eskaini dira eta oraingoz 51.000 ikasle pasatxok eman dute izena (matrikulatzeko epea urriaren 16ra arte egongo da zabalik). Ikasturte hasierako ekitaldian lehendakariak azpimarratu duenez, egungo LHa "Txapeldunen Ligan" dago eta hezkuntza sistema hobetzeko "ardura partekatua, autokritika eta autoestima" eskatu ditu.