1.885 kasu berri eta hiru hildako zenbatu dituzte Nafarroan azken orduetan
Atzo (asteazkena), 1.885 covid-19 kasu berri atzeman zituzten Nafarroan, Foru Gobernuaren azken datuen arabera. Datu horrek argi erakusten du beheranzko joerari eutsi diola seigarren olatu honek, asteartean baino 38 positibo gutxiago zenbatu baitituzte (1.923 izan ziren asteartean). Azken orduetan, baina, hiru heriotza zenbatu dituzte.
Guztira 4.485 proba egin zituzten, eta positibotasuna % 42koa izan zen. Abenduaren 29an jo zuen goia olatuak; egun hartan, 4.277 kutsatu egon ziren.
Duela astebete, ordea, egoera bestelakoa zen, 2.531ra jaitsi baitzen positiboen kopurua. Orain dela bi aste, berriz, 3.320 kutsatze egon ziren. Badirudi egunak aurrera joan ahala kutsatzeak moteltzen ari direla.
22 ospitaleratze izan ziren atzo Nafarroako ospitaleetan, bat ere ez ZIUetan. Guztira 270 gaixo daude ospitaleratuta; horietako 33, zainketa intentsiboetako unitateetan.
Txertaketari dagokionez, atzo 4.506 dosi eman zituzten Nafarroan, eta pauta osoan dutenak 542.895 dira jada.
Ospitaleetako egoera
Javier Remirez Nafarroako Gobernuko eledunak atzo adierazi zuen azken astean, urtarrilaren 10etik 26ra, argi geratu dela covid-19aren intzidentziak ez duela okerrera egin: "Dena den, azkenaldian izan den positibo kopurua eta erietxeratutako gaixoen kopurua kontuan izanda, ospitaleetan une latzak espero ditugu datozen egunetan ere".
Gobernu Kontseiluaren bileraren osteko agerraldian, Remirezek esan zuen % 20 egin duela behera positiboen kopuruak aurreko asteko datuekin alderatuta. Duela astebete ere, % 14 jaitsi zen positiboen kopurua, orain bi asteko datuekin alderatuta. "Azken hiru egunetan, gainera, % 40 egin dute behera kasuek", zehaztu zuen. "Beheranzko joera hartu du, beraz, intzidentziaren kurbak", erantsi zuen.
Ospitaleetako egoera hizpide, kontseilariak argi utzi zuen okerrera egiten ari dela, "atzoko eguna lasaia izan bazen ere". Guztira, 276 gaixo daude ospitaleratuta, eta horietako 37 daude zainketa intentsiboetako unitateetan.
Zure interesekoa izan daiteke
Elkarretaratzea egin dute Donostian, hiriko gozoki-denda batean adingabe bati egindako sexu-erasoa gaitzesteko
Itaiak eta Amara Berriko Gazte Asanbladak deitu dute protesta, eta "eraso matxista bakoitzari aurre egin eta kaleak hartzeko" deia egin dute. Erasotzailea, dendaren jabea bera, kartzelan sartu dute.
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.