Egoitzetan azken astean hildakoen balantzea: zazpi pertsona hil dira Gipuzkoan, lau Bizkaian eta lau Araban
Arabako, Bizkaiko eta Gipuzkoako foru aldundiek koronabirusaren pandemia adinekoen egoitzetan izaten ari den eraginari buruzko informazioa eguneratu dute astearte honetan.
Gipuzkoan, adinekoen egoitzetako zazpi erabiltzaile hil dira covid-19arekin azken astean. Azaroaren amaieratik 22 egoiliar hil dira (kutsatutakoen % 1,8) eta 362 pandemia hasi zenetik.
Gipuzkoako adinekoen zentroetan 441 positibo aktibo daude une honetan, eta 381 azken zazpi egunetan atzeman dituzte.
Bestalde, Bizkaiko egoitzetako lau erabiltzaile hil dira covid-19arekin azken astean, aurreko asteko kopuru bera. Adinekoentzako egoitza-zentroen sareak 555 erabiltzaile ditu gaur egun positibo baieztatuarekin, duela zazpi egun baino 45 gutxiago, eta horietatik 27 ospitaleratuta daude.
Bizkaiko Foru Aldundiko Gizarte Ekintza Saileko Ikuskaritza eta Kontrol Zerbitzuak bildutako datuen arabera, joan den astelehenean, 528 erabiltzailek positibo eman zuten (astebete lehenago 571 zeuden), eta 27 egoiliar daude ospitaleratuta, asteartean argitaratutako balantzean baino bi gutxiago. Foru Aldundiak azpimarratu du positibo eman duten ia erabiltzaile gehienak sintomarik gabekoak direla, eta azaldu du ospitaleratutako pertsonek patologia berdinak dituztela.
Bestalde, Ramiro González Arabako ahaldun nagusiak Foru Gobernu Kontseiluaren bileraren ostean jakinarazi duenez, joan den asteartetik Arabako egoitzetan covid-a zuten beste lau egoiliar hil dira. Lau heriotza berri horietatik bi egoitza pribatuetako erabiltzaileenak ziren, bat foru egoitza batekoa eta laugarrena udal etxebizitza komunitariokoa.
Araban, covid-aren intzidentzia erdira jaitsi da adinekoen egoitzetan azken astean, urtarrilaren 18an jakinarazi ziren 286 kasu positiboetatik gaur egun 142 izatera igaro baita.
Covidean positibo eman duten 142 egoiliarretatik 8 bakarrik daude ospitaleratuta beren osasun egoeran konplikazioak izateagatik, hau da, aurreko astean baino 5 gutxiago.
Gainera, egoitzetako 265 erabiltzaile gaixotasunetik sendatu dira azken zazpi egunetan. Gaur egun, 94 langile daude positibo baten kontaktu estuak izateagatik edo kutsatu izanagatik konfinatuta, aurreko astean zeudenak baino ia hogeita hamar langile gutxiago.
Gonzalezek esan du egoitzetan gertatzen dena gizartean, oro har, gertatzen denaren isla dela, eta bertan kutsatzeak jaisten badira egoitzetan ere bai.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.