Sara Pina hil zuela aitortu du bere senarrak
Tuteran Sara Pina hiltzegatik Frantzian atxilotutako J. M. U. A-ren aurkako epaiketa hasi dute gaur Nafarroako aipatu udalerriko epaitegietan, eta auzipetuak aitortu egin du emaztea hil izana.
Horregatik, Tuterako 2. zenbakiko Instrukzio Epaitegiko buruak baldintzarik gabeko behin-behineko espetxealdia ezarri dio.
Auzipetuak bi gutun eraman ditu epaiketara. Horien bidez barkamena eskatu die biktimaren senitartekoei, bere familiari eta epaileari.
Gaurko saioan, bestalde, Ministerio Fiskalak hiltzailearen behin-behineko espetxealdia eskatu du, baita akusazio partikularrak ere. Haren abokatuak, aldiz, aske uzteko edo "neurri hain zorrotza" ez hartzeko galdegin dio epaileari.
Azken honek, baina, kartzelaratzea erabaki du "ihes egiteko arriskua" dagoela iritzita.
"Orain arte eman dituen urratsak ikusita --Frantziara alde egin zuen--, ondorioztatu daiteke egon badagoela berriro ihes egiteko aukera", arrazoitu du.
Gauzak horrela, dio epaileak, hilketa delitua leporatu diot. Hortaz, 15 eta 25 urte bitarteko kartzela zigorra bete beharko du.
Atxiloketa
Esan bezala, urtarrilaren 11n atxilotu zuten, hilketa matxista egotzita, eta Frantzian espetxeratu zuten. Bart Madrilera bidali dute, hegazkinez, eta gaur bertan Tuterara eraman dute epailearen aurrean deklaratzeko. 10:00etan zeukan hitzordua, baina 45 minutu berandu iritsi da.
Tuterako epaileak eman zuen atxilotzeko agindua, urtarrilaren 8a eta 9a bitartean emaztea hil izana egotzita. Ustezko erasotzaileak Frantziara egin zuen alde, eta han hartu zuten atxilo egun bat geroago.
38 urteko irakaslearen gorpua urtarrilaren 10ean aurkitu zuten Tuteran. 2022an Espainiako Estatuan egon den lehen hilketa matxista da.
Protestak
Epaitegien atarian, protesta egin du herritar talde handi batek, eta kazetari andana, foruzainak eta polizia nazionalak ere izan dira bertan. Esan bezala, Cortesko bizilagunek, "Justizia Sararentzat" plataformak deituta, justizia eskatu dute, eta, besteak beste, bi aldarri oihukatu dituzte: "Ezta bat gehiago ere" eta "Ez dira gaixoak, patriarkatuaren semeak baizik".
Era berean, besteak beste, "Feminizidioekin nazkatuta", "Genero indarkeria gehiagorik ez" eta "Justizia Sararentzat" leloak zituzten pankartak ere erakutsi dituzte.
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.