'Aita Mari'k 176 pertsona erreskatatu ditu Mediterraneoan
SMH gobernuz kanpoko erakundearen Aita Mari ontziak 105 pertsona erreskatatu ditu Mediterraneo itsasoan, "egoera prekario eta etsigarrian" zeudelako, erakundeak gaur jakitera eman duenez.
"Aita Mari-k 105 pertsona erreskatatu ditu egoera prekario eta etsigarrian. 17 emakume, 63 gizon, 9 haur eta 16 adingabe dira. Guztiak onik daude", idatzi du gobernuz kanpoko erakundeak sare sozialetan, bigarren erreskate abisu bat jaso baino lehen. Bigarren erreskate horretan beste 71 pertsona ontziratu dituzte. Honenbestez, 176 pertsona daude euskal ontzian, 18 emakume, 116 gizon eta 42 adingabe.
Iragan asteartean 263 pertsona zeramatzan beste ontzi bat aurkitzen lagundu zuen euskal erreskate ontziak. Italiako kostazainek erreskatatu eta Lampedusa uhartean lehorreratu zituzten. Hala ere, zazpi pertsona etorkin hilik zeuden dagoeneko. Antza denez, hipotermiak jota hil ziren.
Bestalde, Geo Barents Mugarik Gabeko Medikuen ontziak 439 pertsona migratzaile zeramatzan, eta Augustako (Sizilia, Italiako hegoaldea) portuan lehorreratzeko baimena jaso du gaur.
Zortzi eguneko itxaronaldiaren ostean, eta Italia zein Maltari eskaera ugari egin ondoren, azkenean, Italiako agintariek Augustako portua eskaini dute migratzaileak lehorreratu ahal izateko, tartean 112 adingabe, 9 emakume eta 3 haur, txikiena urtebete eskasekoa, MSFk jakitera eman duenez.
Aurten 2.051 migratzaile heldu dira Italiara; iaz epe berdinean 872 pertsona iritsi ziren, bertako Barne Ministerioaren arabera.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.