Sabino Arana fundazioak gizartearekiko konpromisoa omentzen duten urteroko sariak banatu ditu Bilbon
Sabino Arana Sarien gala egin dute igande honetan Bilboko Arriaga Antzokian. XXXIII. edizio honetan, gizartearekiko elkartasuna eta konpromisoa omendu nahi izan dituzte. Hala, saritu dituzte Aita Mari migratzaileen salbamendu-ontzia, Basque Culinary Center, Luis Ugalde euskal-venezuelar apaiz jesuita, Amaiurko Gaztelu Elkartea, Luis Maria Bengoa kazetaria eta Bidasoa kirol kluba.
Mireia Zarate Sabino Arana Fundazioko presidenteak aurkeztu du ekitaldia, eta alboan izan ditu Fundazioko Patronatuko kideak zein agintari instituzional ugari, Iñigo Urkullu lehendakaria buru.
Luis Ugalde jesuita bergararra izan da eszenatokira igotzen lehena. Gizarte ekintzailea eta "erreferente moral eta politikoa" da Venezuelan, duela 65 urtetik bertan bizi baita. Bere jatorriaz hitz egin du, eta "zailtasunen aurrean" amore ez ematen ikasi zuen baserriaz; "lanaren eta irmotasunaren bitartez".
Amaiur Gaztelu Elkarteak jasotako sariaren kasuan, Isabel Aleman Amaiurko alkateak "garaiko euskal erakundeen babesarekin" eraikitako monolitoaren laburpen historikoa egin du. Bere hitzaldian gogorarazi duenez, "Amaiurrek ordezkatzen duen memoria historikoa ezabatzeko" bota zuten, eta 1982an Gaztelu Elkartea sortu zen, monumentua eta horren esanahia berreskuratzeko helburuz.
Bestalde, Luis Mari Bengoa kazetariak Arabako nekazari eta abeltzainekin Europatik egindako lehen bidaiak ekarri ditu gogora, eta herri kirolaren alde izan duen etengabeko borroka.
Hurrengo golardoa CD Bidasoa klubarentzat izan da, eskubaloiaren sustapenaren alde egindako ekarpenagatik; eta nazioarteko kirol panoraman Irunen, Bidasoaldearen eta Euskadiren proiekzio eta posizionamenduaren alde lan egiteagatik. Gurutz Aginagalde klubeko presidenteak nabarmendu duenez, "herriaren taldea da, eta herriari zor zaio".
Basque Culinary Centerri (BCC) emandako golardoarekin nabarmendu dute duela hamarkada bat abiatu zela "formakuntzan, berrikuntzan, ikerketan eta sustapen gastronomikoan nazioarteko erreferente bilakatu den" proiektua, Mondragon Unibertsitatearen eta euskal erakundeen aliantzaren emaitza. Joxe Mari Aizega zuzendariak adierazi du BCCk nortasun propioa garatu duela, entitate akademiko klasiko batekin ia zerikusirik ez duena.
Azkenik, Nerea Machado SMH elkarteko kideak Aita Mariri emandako saria jaso du, eta gogora ekarri du proiektua martxan jarri zutenetik sei misio garatu dituztela, 714 pertsona erreskatatuta.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.