Zeru hodeitsua eta tenperatura maximo altuxeagoak izango dira aste honen hasieran hotza nagusituko den arren
Eguraldi grisa izango da otsaileko lehen egunetan, eta lanbroa eta lainoak izango dira nagusi; batez ere, goizez eta barnealdean. Haizeak tenperatura baxuak eragingo ditu.
Euskalmeten iragarpenen arabera, urtarrilaren 31n, astelehenean, isurialde atlantikoan giro goibela izango da eta euria egingo du, batez ere egunaren bigarren partean. Egunaren hasieran, hegoaldean ateri egongo da eta ostarte batzuk ager daitezke, baina goizak aurrera egin ahala hodeiak ugaritu egingo dira eta arratsalde-gau partean euritara joko du ziurrenik. Ipar-haizea ibiliko da eta tenperatura maximoek behera egingo dute, ipar-ekialdean izan ezik. Elur-kota ere jaitsiko da, eta 1.000 metro inguruan koka daiteke azken orduetan. Ebro ibarrean, ziertzo-bolada oso gogorrak izango dira.
Asteartean, otsailaren 1ean, berriz, eguraldiak ildo beretik jarraituko du egunaren lehen partean, eta giroa goibela eta umela izango da, batez ere iparraldean. Orduak igaro ahala, berriz, hegoaldean atertu egingo du; isurialde atlantikoan, ilunabarrera arte jarraituko du euria egiten, batez ere ipar-ekialdean. Gauean, ateri egongo da eta hodeiak gutxituz joango dira. Ipar-haizea eta tenperatura baxuagoak izango dira. Goizaldean, elur-kota 1.000 metrora egongo da, egunaren erdiko orduetan elur-kota igo egingo da, eta 1.500 metrotik gora kokatuko da arratsaldean.
Asteazken goizean, lanbroa eta lainoa gailenduko dira. Zerua oskarbi edo hodei gutxirekin egongo da, egunaren lehenengo partean isurialde atlantikoan behe-hodeiekin tarteka hodeitsu, batez ere ekialdean. Haize ahula eta aldakorra ibiliko da, azken orduetan hego-osagaia nagusi. Tenperatura minimoak gutxi edo nahikoa jaitsi eta maximoak nahikoa edo nabarmen igoko dira. Arabako zenbait lekutan, izotz txikia egiteko probabilitatea handia da.
Une oro kontsulta dezakezu eguraldiaren iragarpena eitb.eus-en, eta zure argazkiak bidali.
Zure interesekoa izan daiteke
Senegalen hildako arrantzale lekeitiarraren familiak laguntza eskatu du gorpua aberriratzeko
Lekeitioko 45 urteko arrantzale bat hil zen duela sei egun Senegalen, Dakar inguruko uretan. Ordutik, haren familia zain dago gorpua aberriratzeko; izapide burokratikoen eta Senegalgo portuetako traben ondorioz, itsasontzian jarraitzen du gorpuak. Bermeoko ATUNSA enpresako langile bat zen.
Lagako hondartzako aparkalekua uda osoan egongo da zabalik
Hondartzaren inguruko ingurumena birsortzeko lanak udazkenera arte atzeratuko dira, Espainiako Gobernuaren Bizkaiko ordezkariordeak jakinarazi duenez.
Harrera-familiek ere kontziliaziorako laguntzak jasoko dituzte aurrerantzean
Seme-alabak edo mendeko senitartekoak zaintzeko langileak kontratatzen dituztenei edota eszedentzia edo lanaldi-murrizketa eskatzen dutenei ematen zaizkien laguntzak arautzen dituen dekretu berri bat onartu du Eusko Jaurlaritzak.
Lau urteko ume bat ospitalera eman dute, Bilboko Pagasarribide eskolan bero-kolpe izan ondoren
Ikastetxeko Guraso Elkarteak salatu du azpiegiturak zaharkituta daudela eta ez daudela prestatuta bero sapa hauei aurre egiteko. Esan dutenez, arazoa orokorra da Bilboko sare publikoko eskoletan.
Adimen artifizialaren lege berriaren hamar gako eta adibide
Ministroen Kontseiluak lege-proiektu bat onartu du teknologia horren erabilera gizartearentzat "etikoa, inklusiboa eta onuragarria" izan dadin bermatzeko.
Donostiako Udalak hondartzen denboraldia aurreratzea aztertuko du, egun hauetako erreskateen ondoren
Jon Insausti alkateak adierazi duenez, hondartza denboraldia lehenago hasi behar den aztertuko da, edo agian zerbitzu zehatz batzuk, gune puntual batzuetan, baina hori datorren urteko aurrekontuen araberakoa izango dela azpimarratu du. Halaber, seinaletika indartzearen eta megafonia zerbitzuak lehenago aktibatzearen alde agertu da, Saguesen, esaterako, "arriskutsuak izan daitezkeen korronte konplikatuak" daudelako.
77 urteko gizon bat hil da Donostiako Ondarreta hondartzan
Larrialdi zerbitzuek goizeko 10:30ak pasatxoan jaso dute abisua. Hondartzan zeuden hainbat herritarrek atera dute gizonezkoa uretatik, baina erreskate taldeek ezin izan dute ezer egin, haren bizitza salbatzeko.
Datorren urtetik aurrera Bero Plana maiatzaren 15era aurreratzea aztertzen ari da Eusko Jaurlaritza
Guillermo Herrero Eusko Jaurlaritzako Osasun Publikoko zuzendariaren hitzetan, "txipa aldatzen hasi behar dugu denok, eta pentsatzen, lehen uztailekoak edo abuztukoak ziren tenperaturak maiatza-ekainean izango ditugula".
Auto-ilarak deseginda, egoera bere onera itzuli da Artatzan goizean tuneletan izandako istripu baten ondoren
Moto batek istripua izan du tuneletan eta errei bat itxi behar izan dute BI-637 errepidean, Leioan, Bilborako noranzkoan eta 4 km-rainoko ilarak izan dira bertan. Motor gidaria zaurituta eraman dute erietxera. Arazoak izan dira N-1ean ere Tolosa parean eta Irunerako noranzkoan; autobus batek eta auto batek talka egin dute eta zauriturik ez badago ere, ilarak sortu dira.
Bi pertsona ospitalera eraman dituzte Berriobeitin, hondakinak kudeatzeko enpresa batean piztutako sutean kea arnastuta
Enpresa ebakuatu behar izan dute. Enpresako langileak sua itzaltzen hasi dira, eta suhiltzaileek bukatu dute, 00:26an.