Zubia: "Ospitaleak pixka bat arindu dira, baina normaltasuna urruti dago oraindik"
Felix Zubia Donostiako Ospitaleko ZIUko buruak Euskadi Irratiko "Osasun Etxea" saioan adierazi duenez, koronabirusa hautemateko proben inguruan Eusko Jaurlaritzak hartutako erabakiaren ondorioz inzidentziaren neurketa zehatzik ez dagoenez, ospitaleetan bizi dutenak ematen die egoeraren argazkia osasun-langileei. "Irudipenez ari gara", azaldu du, "eta horrelako kudeaketa batean oso zaila da".
Horren hitzetan, Gabonetako eta urte hasierako positiboen goraldiaren ondoren, ospitaleetako presioa % 20-25 inguru arindu bada ere, oraindik erietxeen egoera "ez da ona". Azpimarratu du ospitaleak "pixka bat arindu" direla, baina normaltasuna "urruti" dagoela oraindik.
Kirofanoak irekitzeko aukera noiz izango duten ez dakitela ere esan du, eta aste hau "oso tristea" izan dela ZIUetan izan duten heriotza kopuruagatik. Haren ustez, "erraz bihurtzen ditugu heriotzak zenbaki eta estatistika".
Zubia zuhurtziaren alde agertu da, baina "zuhurtziak neurriak eta administrazioaren konpromisoa ere behar ditu".
Orain, intzidentzia "lautada antzeko batean" mantentzen da, Zubiaren aburuz, eta Nafarroako kasuen jaitsiera aipatu du adibide gisa. Edonola ere, "perspektiba hartuta, oraindik ez gaude ondo" eta "oraindik beste aste pare bat beharko ditugu egoera arintzeko".
Danimarkari begira
Danimarkan egunero biztanleriaren % 1 kutsatzen ari delarik, neurri murriztaileak ezabatzea erabaki dute. Txertaketa maila handia dute eta osasun sareek egoerari erantzuteko modua badutela iritzita hartu dute erabakia.
Zubiak albistearen interpretazioa eta horren inguruko hausnarketa egin ditu. Kopuruak kopuru, "pertsona bakoitza bizitza bat" dela gogorarazi du, eta biztanleriaren zalantzak talde zaurgarriak "arriskuan" jartzearen ildotik doazela gehienbat; uste baino heriotza gehiago gerta litezkeelako.
Edonola ere, Danimarkako osasun sisteman inbertsio handia dutela jarrita eta hango egoerari adi jarraituko duela adierazi du: "estrategia hau jarraituta % 1 kutsatzen bada egunero, azkar iritsiko dira % 50era eta jaitsierak ere hala jarraitu behar luke".
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako ospitalera. Atxilotuak komisaldegian jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean ustez bere bikotekideak hil zuen Basaurin, baina sortzez Berangokoa zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.