Zer egin alarma-egoeran ezarritako isunak itzultzeko?
Alarma-egoerak indarrean zeudenean Ertzaintzak eta udaltzaingoek herritarrei ezarritako isunen dirua formulario sinple baten bidez itzuliko dute. Formulario hori formatu digitalean jaitsi, bete eta bidali beharko dute herritarrek. Jaurlaritzaren www.euskadi.eus webgunean eta Zuzenean herritarrak artatzeko zerbitzuaren bulegoetan aurkituko dute. Posta bidez bidaltzeko aukera ere izango dute.
Josu Erkoreka Segurtasun sailburuak iragarri zuen lehen eta bigarren alarma-egoerak indarrean zeudenean Ertzaintzak eta udaltzaingoek herritarrei ezarritako isunen dirua itzuli behar zutela. 8.392 isun jarri zituzten.
Guztira, 2,5 milioi euro itzuli beharko dizkie Jaurlaritzak herritarrei.
2020ko martxoaren 14tik ekainaren 21era egon zen ezarrita alarma-egoera Espainiako Estatuan. Epe horretan, 22.957 isun jarri zituzten EAEn udaltzainek eta Ertzaintzako agenteek, neurri murriztaileak urratzeagatik.
Urtebete geroago, 2021eko uztailaren 14an, alarma-egoera legez kanpokoa izan zela ebatzi zuen Auzitegi Konstituzionalak. Epaileen arabera, salbuespen-egoerak bakarrik ahalbidetu dezake konfinamendua, eta ez alarma-egoerak.
Zein isun itzuliko ditu Jaurlaritzak?
Agintariek ezarritako arauak ez betetzeagatik, 2020ko martxoaren 14tik ekainaren 21era eta 2020ko urriaren 25etik 2021eko maiatzaren 9ra, Ertzaintzak eta udaltzaingoek ezarritako isunak, Bilboko, Gasteizko eta Barakaldoko udaltzainek ezarritakoak salbu.
Osasun-agintariek ezarritako isunak ere itzuliko dira?
Ez.
Eskaera edo tramite bereziren bat egin behar dut dirua itzul diezadaten?
Ez dago eskaerarik egin beharrik. Etxean gutun bat jasoko dute arauren bat bete ez zutenek. Datu pertsonalak eta banketxeko datuak jarri beharko dituzte bertan. Horixe da eman beharreko pauso bakarra, dirua bueltan jasotzeko. NAN zenbakia eta kontu korronteko zenbakia emanda nahikoa da.
Paperean zein Internet bidez egin dezaket?
Bai, bi aukerak dira posible. Internet bidez eginez gero, helbide honetan dago informazioa: https://www.euskadi.eus/zehapena_isuna/herritarren-segurtasuna/web01-tramite/eu.
Nortzuk izango dira dirua jasotzen lehenak?
Lehenik eta behin, lehen alarma-egoeran isunen bat jaso zutenei bidaliko diete gutuna. Banketxeko datuak jasotzen dituzten heinean, dirua itzultzen hasiko dira.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.