Espainiako Gobernuak musukoa kanpoaldean erabiltzeko dekretua berrestea lortu du, kritika askoren artean
Pandemiari aurre egiteko musukoaren erabilera derrigortzen duen lege-dekretua berretsi dute gaur Kongresuan: 162 diputatuk alde bozkatu dute, 153k kontra eta 28 abstenitu dira. Orain, lege-proiektu gisa tramitatuko dute dekretua.
Espainiako Gobernuak bere helburua lortu du, baina oposizioak nahiz Pedro Sanchezen inbestidura ahalbidetu zuten taldeek gogor kritikatu dute ekimena; izan ere, dekretu berean bestelako gaiak ere sartu dituzte, tartean 2021eko pentsioen balioa handitzeko proposamena, eta horrek ekimenaren kontrako botoa ematea zaildu du, askok uste baitute testuinguru honetan ez duela zentzurik kalean musukoa derrigorrezkoa izatea.
Araudiaren arabera, sei urtetik gorako pertsona guztiek musukoa erabili beharko dute eremu itxietan nahiz kalean eta garraio publikoan.
Maskara erabiltzea ez da derrigorrezkoa izango kirola bakarka egiteko, betiere 1,5 metroko segurtasun-tartea mantentzen bada bizikideak ez diren pertsonekin.
Gaixotasun jakin batzuk edo arnasketa-arazoak dituzten pertsonak ere salbuetsita egongo dira.
Gobernuaren bazkideek Espainiako Gobernuaren ekimena kritikatu dute, dekretu berean hainbat gai nahasi dituelako. EH Bilduko Iñaki Ruiz de Pinedok ziurtatu du ez dutela "xantaia" gehiagorik onartuko.
"Ez dira neurri egokiak seigarren olatuari aurre egiteko. Oinarri zientifikoa duten oinarri eraginkorrak falta dira. Norabidea, mezu argiak eta kontrastatutako neurriak behar dira. Bi urteko pandemiaren ostean, kanpoaldean musukoa derrigortzen bada eta jubilatuta dauden profesionalak lanera bidaltzen badira, argi dago zerbait gaizki dagoela, eta horrek nekea eta haserrea eragiten ditu", azpimarratu du Ruiz de Pinedok.
Bestalde, Carolina Darias Osasun ministroak nabarmendu du musukoaren erabilera kanpoaldean "aldi baterako" soilik izango dela derrigorrezkoa, eta "hurbilago" dagoela neurri hori indargabetzeko eguna.
Beste gaiak
Dekretu horretan, beste hainbat gai jaso dituzte xedapenen bidez. Batetik, pandemiagatik lanera bueltatu diren mediku eta erizain jubilatuei aurtengo pentsioa osorik jasoko dutela bermatu da.
Horrez gain, Osasun Zientzietan titulazioa duten Europar Batasunetik kanpoko adituak aldi baterako kontratatzea ahalbidetu dute.
Horrez gain, pentsioak KPIaren arabera eguneratuko dituzte, eta onuradunek apirilaren 1a baino lehen jasoko dituzte laguntzak.
Zure interesekoa izan daiteke
Jose Escolarren zezenek entzierro arriskutsua osatu dute, eta korrikalari batek adarkada jaso du aurpegian
Taldean atera dira, baina azkenean batzuk atzean geratu eta une arriskutsuak izan dira, baina baita lasterketa ikusgarriak ere. Lehenengo balantzearen arabera, 14 dira zaurituak, eta batek adarkada jaso du aurpegian.
Suteak kontrolik gabe jarraitzen du Almerian, eta dagoeneko 12 dira hildakoak, 23 desagertuak eta 1.405 etxetik atera dituztenak
Andaluziako Gobernuak eutsi egin dio herritarrei euren etxebizitzetan egoteko egindako deialdiari.
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.