Bilboko Konpartsek jarduera egitaraua bultzatuko dute 2022rako, Aste Nagusiaren gosegarri gisa
Bilboko Konpartsek martxan jarri dute "Nagusia egingo dugu!" ekimena, 2022ko Aste Nagusirako gehigarri eta gosegarri izango diren jardueren egitaraua. Hilabete honen amaieran abiatuko da "jai-urte" hau, inauterietarako antolatutako ekitaldiekin, eta uztailaren 16ra arte (Konpartsakide Eguna) luzatuko dira.
Nerea Matute eta Ioritz Varona Bilboko Konpartsen ordezkariek eman dute ezagutzera kanpaina berria, Bilboko Hika Ateneoan egindako agerraldian.
Hala, hamabost egun barru abiatuko da Bilboko "jai-urtea", azken bi urteotan bizi izandako "ezohiko egoerari buelta emateko".
"Poztasuna, ilusioa eta jaiak berreskuratzeko urtea da hau", esan dutenez. Izan ere, konpartsak iazko irailean hasi ziren aurtengo inauteriak antolatzen.
Kanpainako ekintzetan parte hartzera gonbidatu dituzte bilbotar guztiak, eta "elkar-zaintzaren filosofian" oinarritu dira. Hori dela eta, egitarau guztiek "osasun-neurriak errespetatu eta segurtasun kolektiboa bermatuko" dituztela ziurtatu dute.
Uztailaren 16ko Konpartsakide Eguna ospatu ostean, "Bilbo osoa eta unibertso erdia itxaroten dabiltzan Aste Nagusia, urteko ospakizunik nagusiena" ere "benetan nagusia" egingo dutela adierazi dute. "Horretan gabiltza Bilboko Jai Batzorde Mistoaren barruan", bilbotar eta eragile ugarik lagunduta, "ahalik eta egitaraurik osoena eta seguruena osatzeko".
Egutegi "oparoa" iragarri dute datozen hilabeteetarako, eta "gure asmo sendoa da aurtengoa handia, itzela, benetan nagusia izan dadin, bilbotarrek behar eta merezi duten moduan".
Bukatzeko, Matutek eta Varonak nabarmendu dute jaien alde auzoetan egiten den lana: "jai-urte honen oinarrian badira Bilboaldeko herrietako eta auzoetako jaiak, atzean daukaten jai-batzordeen izugarrizko lan pareagabea, eta gutxitan eskertua".
Albiste gehiago gizartea
Pertsona bat zauritu da Arrasateko etxebizitza eraikin batean izandako sute batean
Sua 23:30ak aldera piztu da San Josepe kaleko etxebizitza eraikin baten beheko aldean. Lehen unean, lau atari jendez hustu behar izan dituzte, baina hiru ataritako bizilagunak etxera itzuli ahal izan dira gauean zehar.
Heldu zure paketea: erosketak itsu-itsuan egiteko eroaldia Bilbora iritsi da
Pakete misteriotsuen fenomeno europarra uztailaren 7tik 14ra helduko da Zubiarte merkataritza gunera. Esperientzia paregabea da, benetako ustekabeak lortzeko. Intuizioa eta zortea dira horretarko gakoak.
Motor-gidari bat zauritu da Muxikan, auto batekin talka egin eta ibaira erorita
Istripua 19:50ean gertatu da, motor batek auto baten aurka talka egin du N-635 errepidean, Muxikan, Gernikarako noranzkoan. Kolpearen ondorioz, motor-gidaria Mundaka ibaira erori da, Ariatza auzoaren parean.
Donostiako suhiltzaileen buruak dimisioa eman du, Fermin Muguruzaren kontzertuan semea sarrerarik gabe sartzeagatik
Donostiako suhiltzaileen zerbitzua bururik gabe geratu da oraingoz, Fermin Muguruzaren kontzertuan izandako jokabide txarragatik. Ander Gomezek dimisioa eman behar izan du Anoetako kontzertuan suhiltzailez jantzitako semea sarreratik gabe sartzeagatik.
Joxe Azurmendik euskal pentsamenduari egindako ekarpena azpimarratu dute Agirrebaltzategik eta Zulaikak
Filosofoa, saiogilea eta hainbat belaunaldirentzako erreferente intelektuala, Joxe Azurmendiren lanak Euskadiko pentsamendu kritikoa markatu du mende erdi baino gehiagoan. Azurmendik sekulako ondarea utzi du euskaran, ideietan... eta herria ulertzeko moduan.
Ehunka jarraitzailek omenaldia egin diote Diogo Jotari Liverpoolen, futbolari portugaldarra istripu batean hil ostean
Futbolari portugaldarra gaur goizaldean hil da, bere anaiarekin batera Espainian izandako auto-istripu batean. Hillsborogheko tragediaren biktimen oroimenez eraikitako memorialaren aurrean, Liverpooleko eta Evertoneko jarraitzaileek eta futbolzaleek aldare bat osatu dute, lore, bandera, bufanda eta kamisetekin.
Hernaniko Udalak zortzi gertakari arrazista eta eraso sexista bat antzeman ditu San Joan jaietan
Udalak azaldu du gertakari horiek gizartean gertatzen ari diren jarreren isla direla, eta aurreratu du herritarren kezkei erantzuteko eta bizikidetza sustatzeko neurriak eta espazioak jarriko direla martxan.
Iruñea sanferminetarako prest, pertsonako eta eguneko 125 eta 250 euro bitartean alokatzen diren balkoiekin
Entzierroak balkoi batetik ikustea negozio bihurtu den aukera bat da. Modan dago eta gero eta gehiago eskatzen dira. Hiriko eta inguruetako ostatuak ere datozen egunetan milaka pertsona hartzeko prestatzen ari dira.
‘Mater’ itsasontzi museoa kostaldean zehar ibiliko da, itsasora botatako zaborraren aurka borrokatzeko
Uztailean zortzi udalerritara iritsiko da, eta horietan itsasoko zaborra biltzeko doako jarduerak egingo dira. Ostegun honetan, Bilboko Itsasmuseum parean, 'Zero zabor uretan' ibilbideari hasiera eman diote, ingurumenari buruz kontzientziatzeko eta itsasoetako zaborrari buruz hausnartzeko.
Sonia Perezek gogorarazi du Cabifyk eta Uberrek hiriarteko ibilbideetan soilik jardun dezaketela
Aldundiak bost zigor jarri dizkie Gidaridun Garraio Ibilgailuen operadoreei 2025ean, gehienak hiriarteko ibilbideak soilik egitearen murrizketa ez betetzeagatik.