Positibo berriak 500etik behera jaitsi dira Nafarroan

Duela astebete, 1.124 kutsatze zenbatu ziren. Iruñeko II. Zabalgunean eta Txantrean hauteman dituzte astearte honetan covid-19 kasu gehien.

Bi emakume Nafarroako taberna batean eserita eta maskara jantzita. Artxiboko argazkia: EFE

EITB MEDIA

2022/02/09 - 09:18

Azken eguneratzea

2022/02/09 - 09:18

Koronabirusaren zabalkundeak behera egiten jarraitzen du Nafarroan. Atzo, 443 positibo zenbatu zituzten Nafarroan, Foru Gobernuak asteazken honetan zabaldutako behin-behineko datuen arabera.

Bezperan, 730 kasu atzeman zituzten, eta duela astebete, berriz, 1.124.

Iruñeko II. Zabalgunean eta Txantrean hauteman dituzte astearte honetan covid-19 kasu gehien.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.