Larunbatean argituko dute zineman eta beste ikuskizun batzuetan jatea eta edatea posible izango den ala ez
Datorren astelehenean koronabirusaren pandemiari aurre egiteko murrizketa guztiak kenduko dituzte Araban, Bizkaian eta Gipuzkoan, eta osasun larrialdi egoera indargabetuta geratuko da. Hala erabaki du LABI instituzionalak arratsalde honetan egin duen bileran.
Alabaina, batzarraren ostean egindako agerraldian, Iñigo Urkullu lehendakariak eta Gotzone Sagardui Osasun sailburuak ez dute argitu zer gertatuko den zinemetan eta gainerako ikuskizunetan janaria eta edaria kontsumitzeko debekuarekin.
Ildo horretan, Sagarduik zehaztu Osasun Sailak ostiral honetan bilera egingo duela LABIk gaur hartutako erabakiaren ondorioak aztertzeko eta hainbat aspekturen inguruan izan daitezkeen zalantzei buruzko argibideak larunbatean ezagutaraziko dituztela, murrizketak bertan behera uzteko dekretua Aldizkari Ofizialean argitaratzen denean, hain justu ere.
Osakidetzako egoerari dagokionez, Sagarduik ziurtatu du ohiko zerbitzuak pixkanaka-pixkanaka berreskuratzen ari direla, "ospitaleratzeak gutxitzen eta larrialdietako egoera arintzen doan bitartean".
Edonola ere, aitortu du Osakidetzan oraindik ohiko zerbitzua ematen ez dela eta kolektibo zaurgarrienetako pertsonek lehentasuna izaten jarraituko dutela, "pandemia ez baita amaitu".
Zure interesekoa izan daiteke
Eneko Arrastua Panticosan hildako mendizalearen hileta egin dute Irunen
Astelehenean hil zen 48 urteko irundarra, Panticosan, elur-jausi batek harrapatuta. Familia, lagun eta herritar andana bildu da Irungo elizan, Arrastuari azken agurra emateko.
Erriberrin desagertutako gizonaren bila jarraitzen dute, hirugarren egunez
Asteazken arratsaldean paseatzera irten zen 68 urteko gizona eta ez zen bere bizitokira itzuli. Oliteko San Silvestre lasterketan ikusi zuten azken aldiz.
Gaur egingo da Irunen Eneko Arrastuaren aldeko hileta-elizkizuna
48 urteko mendizalea joan den astelehenean hil zen Panticosan, elur-jausi batek harrapatuta.
Donostiako alkateak uste du Topoaren erdiguneko zatia uda bukaeran egongo dela prest
Jon Insausti Gipuzkoako hiriburuko alkateak esan duenez, Donostiako Topoaren obrarik handienak bukatuta daude, eta 2026ko uda bukaeran martxan jarri ahal izatea aurreikusten du.
Altsasuko alkateak salatu du pertsona talde bat udal eraikin batean indarrez sartzen saiatu zela
Gertakariak urtarrilaren 1eko goizaldean jazo ziren. Udaltzaingoak erasoa saihestu zuen, baina agenteak "larderia eta irain larrien" biktima izan ziren, alkatearen arabera.
Gaueko guardiako zerbitzua eskaintzen duen bigarren farmazia ireki dute Gasteizen
Eusko Jaurlaritzak hartu du erabakia, Gasteizko iazko errolda kontuan hartuta; izan ere, 250.000 biztanleko kopurua gainditu du hiriak. Larrialdiren bat izanez gero, beraz, aurrerantzean errazagoa izango da botikak eskuratzea.
Derrigorrezkoa al da eta funtzionatzen al du V16 balizak atzerrian?
Espainian matrikulatutako ibilgailuek V16 baliza erabil dezakete beste herrialde batzuetan, 1968ko Bide Zirkulazioari buruzko Vienako Konbentzioak ezartzen baitu nazioarteko zirkulazioan dauden ibilgailuek matrikulatuta dauden herrialdeko araudia bete behar dutela. Hala ere, kontuan izan behar da konektibitateak Estatu espainiarrean bakarrik funtzionazen duela eta matxura edo istripuren bat izanez gero, tokiko larrialdi-zerbitzuei deitu beharko zaiela.
225 eskaera baino gehiago jaso dituzte lehen egunean, guraso bakarreko familien ziurtagiri ofiziala lortzeko
Guraso bakarreko 21.000 familia inguru bizi dira Euskadin, horietatik % 80 emakumeak.
Gizon bat atxilotu dute Gasteizen, emakume bat jotzea leporatuta
Agenteek ostegun goizean jaso zuten abisua. Etxean emakumea aurkitu zuten, kolpatu izanaren zantzuekin, eta 48 urteko gizona, eskuak odoletan zituela. Atxilotu egin zuten, lesio-delitu bat egotzita.
Burguera anaiak Legazpiko elizako mantentze-lanez arduratzen dira eta herriko ondare historikoa babesten dute
Paco, Ricardo eta Juan Mari, Legazpiko parrokiaren mantentze-lanetaz arduratzen dira, borondatez. Duela 7 urte hasi ziren jarduera honekin eta ez dute erlijioagatik egiten, herriaren ondarea babesteko eta berreskuratzeko baizik. Egindako lanen artean kuttunena, organoaren funtzionamendua agerian uzten duen erakusleihoa.