Beste 15 egun izango dituzte Hezkuntza legearen zirriborroari alegazioak aurkezteko
Hezkuntza legearen zirriborroa prestatzen dabilen Eusko Legebiltzarreko batzorde txostengileak "aho batez" erabaki du alegazioak aurkezteko epea luzatzea. Adostutako egutegi berriaren arabera, talde parlamentarioek eta agente sozialek beste 15 egun izango dituzte, martxoaren 4ra arte (12:00etan), ekarpenak egiteko.
EITB Mediak jakin ahal izan duenez, martxoaren 7an bilduko da berriro batzordea, talde bakoitzak bere arrazoiak eman ditzan, eta hurrengo bileraren data erabaki dezaten. Hain zuzen ere, bigarren batzar horretan bozkatuko lituzkete proposamenak.
Era berean, eta herritar batek egindako eskaerari men, Legebiltzarrak publiko egingo du testua bere webgunean.
PSE-EE, Elkarrekin Podemos-IU eta PP+Cs taldeek eskatuta luzatuko dute alegazioak aurkezteko epea. Eskaera EAJk eta EH Bilduk ere babestu zuten, biek ala biek aurreratu baitzuten "malguak" izango direla, helburu dutelako Legebiltzarrak Eusko Jaurlaritzari igorriko dion dokumentuaren gaineko akordioak ahalik eta babes sendoena jasotzea. Aurreikusitakoaren arabera, Hezkuntza lege berria 2022ko bigarren seihilekorako egongo da prest.
Besteak beste, zirriborroan jaso dute hezkuntza eredu eleaniztun bat ezartzea, euskara ardatz duena. Halaber, Jaurlaritzak "benetako doakotasuna" bermatuko du hezkuntzan, "eskolaratze kuotak kenduta".
Euskadi Irratian egindako elkarrizketan Iñigo Urkullu lehendakariak nabarmendu du hezkuntza herri erronka dela, eta ondo finkatu behar direla bere oinarriak luzaroan iraun dezan. Bestetik, PSE-EEri zuzenduta, mezu argia bidali dio bazkide duen alderdiari: "Eskola publikoari dagokionez, ez du PSE-EEk zalantzarik izan behar zein den gure konpromisoa". Azken egunetako ika-miketatik harago, bi alderdien arteko akordioa posible izango dela esan du, eta, are gehiago, adostasun hori zabalagoa izango dela aurreikusi du.
PSE-EEk ohartarazi du "alde oso handiak" daudela Hezkuntza Lege berriaren proposamenaren inguruan, baina sozialisten nahia akordioa lortzea dela. Hala ere, EAJri eskatu dio "epe laburrean akordio bat bilatzeko" bi alderdien artean, gobernu-akordioan hitzeman zuen bezala, beste talde batzuk batu aurretik.
Bestalde, Miren Gorrotxategi Elkarrekin Podemos-IUren bozeramaileak Radio Euskadiko "Boulevard" saioan egin dioten elkarrizketan azaldu duenez, lau aste luzatzea eskatu zuten ekarpenak egiteko denbora gehiago izateko. Elkarrekin Podemos-IUtik 80 proposamen biltzen dituen dokumentu bat osatzen ari dira. Gorrotxategi oso "atsekabetuta" mintzatu da Hezkuntza lantaldeko presidenteak otsailaren hasieran aurkeztu zuen dokumentuarekin.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.