Hauxe da Abortuaren Legea erreformatzeko Berdintasun Ministerioak egindako proposamena
Irene Montero Espainiako Gobernuko Berdintasun ministroak Abortuaren Legearen gakoetako batzuk aurreratu ditu asteazken honetan, Kongresuan. Besteak beste, hauek izango dira lege berriko berritasunetako batzuk: 16 urtetik gorako emakumeek baimenik gabe eten ahalko dute haurdunaldia, hiru eguneko "hausnarketa" epea desagertu egingo da eta kontzentzia-eragozle diren profesionalen errolda bat sortuko da.
Behe Ganberako Berdintasun lantaldean egindako agerraldian, Monterok adierazi du Gobernuaren beharra "osasun publikoan abortatzeko eskubidea blindatzea" dela.
Zeregin horretarako, Gobernuak telefono zerbitzu espezializatu bat sortuko du sexu eta ugaltze eskubideen inguruan informatzeko. Prozesuan zailtasunik izanez gero, telefono zerbitzu horretan euren eskubideak non eta nola gauzatu jakin ahalko dute emakumeek.
Gainera, ministroak nabarmendu du 16 eta 18 urte arteko emakumeek "modo autonomoan" erabaki ahalko dutela abortatzea. "Lan egin badezakete edota sexu-harremanak izan baditzakete, euren gorputzen inguruan ere erabaki dezakete", azpimarratu du.
Halaber, praktika zentro publikoetako ginekologia eta obstetrizia zerbitzuetan bermatzeko asmoa dute. Horretarako, "kontzientzia-eragozpenerako eskubide konstituzionala zintzotasunez" errespetatuko dute, baina "emakumeek euren gorputzen gainean erabakitzeko duten eskubidea zehatz-mehatz bateragarri eginez", erantsi du.
Horregatik, Eutanasiaren Legearen testua (dagoeneko onartuta dago) oinarri hartzea proposatu du Ministerioak, mediku objektoreen zerrenda bat aurreikusten baitu.
Haurdunaldia eteteko metodoa emakumeak erabakiko duela esan du Monterok. Horretarako, erabakia hartu ahal izateko beharrezko informazioa emango diote osasun zentroan. Gainera, gutuna (erabakiaz gogoeta egitea eskatzen zaie bertan) jasotzeak derrigorrezkoa izateari utziko dio; emakumeek eskatzen dutenean soilik emango zaie.
"Abortua aurrera eramatea erabakitzen duen emakume orok inolako oztoporik eta kalterik gabe egin behar du", azaldu du.
BESTE NEURRI BATZUK
Bestalde, araudian sartuko dituzten beste neurri batzuk azpimarratu ditu Monterok, hala nola sexu eta ugalketa osasunaren arretan hobekuntzak, amatasun baimenaren aitortza erditzea baino lehen eta indarkeria ginekologikoa prebenitzeko ekintzak.
"Osasun menstruala estandar erabakigarria izango da emakumeen osasunean", esan du ministroak, eta bermatzea "Estatuaren eta botere publikoen betebeharra" izango da. Horretarako, emakumeen oinarrizko beharretarako produktuek "ikaragarri garestiak izaten jarraitzea" eta kontrazepzioaren erantzukizuna beti emakumeek hartzea aztertuko dituzte.
Zure interesekoa izan daiteke
Los Gallardoseko sutean aurkitu ezinda dauden 23 pertsonen bila jarraitzen dute Almerian
Meteorologiak emandako "zirrikitua" baliatzen ari dira suaren kontrako borrokan ari direnak. Garrek 6.600 hektarea kiskali dituzte dagoeneko.
Gizon bat atxilotu dute Santutxuko meskita batean pintaketak egiteagatik, gorroto-delitua egotzita
Gertakariak 09:30ean jazo dira. Ertzaintzak abisu bat jaso du, ohartaraziz pertsona bat pintaketak egiten ari zela komunitate musulmanaren aurkako gorroto-adierazpenekin.
Jose Escolarren zezenek entzierro arriskutsua osatu dute, eta korrikalari batek adarkada jaso du aurpegian
Taldean atera dira, baina azkenean batzuk atzean geratu eta une arriskutsuak izan dira, baina baita lasterketa ikusgarriak ere. Lehenengo balantzearen arabera, 14 dira zaurituak, eta batek adarkada jaso du aurpegian.
Emakume batek sexu erasoa salatu du bart sanferminetan
Ustezko erasotzailea atxilotuta dago. Gainera, beste hiru salaketa izan dira, ukituengatik. Horietako baten ustezko egilea atxilotu eta espetxera bidali dute, aurrekariak baitzituen. Iruñeko Udalak eraso sexistak gaitzetsi ditu.
Iruñea, jendez lepo, sanferminetako asteburu bakarrean
Txoko guztietako bisitariak bildu ditu sanfermin hauetako asteburu bakarrak. Ostalariek ere jende gehiago nabaritzen dute. Edonola ere, azken urteetan, bisitari gutxixeago etorri den irudipena dute batzuek. Aurtengo sanferminak itogarriak izaten ari dira, ia 40 ºC ingururekin egunero.
Aisialdi zentro bateko begirale batek egindako sexu-erasoak salatu dituzte Tarnosen
Elkarretaratzea egin dute Landetako Tarnos herrian, aisialdi zentroko begirale batek egindako sexu erasoak salatzeko. Sei haur txiki izan dira biktimak, eta beraiei baita familiei ere elkartasuna erakutsi nahi izan diete. Begiralea atxilotu dute, sexu erasoak leporatuta.
Kamioiek Gasteiz hartu dute San Kristobal egunean, ibilgailuak bedeinkatzeko
San Kristobal jaiak Arabako Garraio Elkarteko garraiolariak bildu ditu larunbat honetan. Ekitaldian, kamioien ohiko desfilea eta ibilgailuen bedeinkapena izan dira protagonista. Horrela eman diete amaiera auzoko ospakizunei.
Zuiako Udalak ur mozketak egingo ditu gauez hornidura bermatzeko
Mozketa 22:00etatik 08:00etara dago indarrean, atzotik. Gainera, udal igerilekuetako dutxak erabiltzea debekatuta egongo da aurrerantzean.
Beroagatik ezarritako alerta abisu horira jaitsi dute EAEn; Nafarroa erdialdean eta Iparraldean alerta mailari eutsiko diote
Arabak alertapean jarraituko du baso sute arriskuagatik. Abisu maila gorabehera, sargori egiten jarraituko du: maximoak 30 ºC-koak izango dira kostaldean, eta 37-38 ºC-koak, barnealdean. Astelehenean behera egingo dute tenperaturek.
Ezkaraiko sutea egonkortu dute, 115 hektarea inguru kiskali ostean
Dirudienez, Ayabarrena herrixkako sutea ostegunean piztu zen, ekaitzean botatako tximista baten eraginez.