Juan Carlos Unzue futbolari ohiak botako du Sanferminetako txupinazoa
Juan Carlos Unzue futbolari eta entrenatzaile ohiak botako du aurtengo Sanferminetako txupinazoa, uztailaren 6an, Enrique Maya Iruñeko alkateak hala erabakita.
Iruñeko Udaleko Bozeramaileen Batzordean jakinarazi du aldebakarreko erabakia Mayak, eta atzean utzi du herri bozketaren sistema, hots, oposizioak babesten duena. Navarra Sumako alkateak esana zuen ez zitzaiola bozketarena ondo iruditzen, eta aldatu beharra zegoela. EH Bilduk, PSNk eta Geroa Baik nabarmendu dutenez, egokia iruditzen zaie Unzuek txupinazoa botatzea, baina iragarpena aurrez adostu gabe egin du alkateak.
Iruñeko Udalak ohar batean azaldu du Unzuek ELA gaitza duela 2020tik, eta ordutik, "gaixotasun horren kontrako borrokaren eta ikusgaitasunaren erreferente" bilakatu dela. Unzuek hainbat kanpaina eta hitzaldi egin ditu, eta liburu batean ere jaso ditu bere bizipenak.
"Izendapen honekin, Iruñeak bat egiten du gaixotasun horren ikusgaitasunean, eriei eta euren senitartekoei babesa agertuz. Baita Juan Carlos Unzuek ELA gaitzari aurre egiteko erakutsitako moduari ere. Halaber, Nafarroako futbol atezain onenetariko baten ibilbide profesionala ere goraipatzen da", azpimarratu dute idatzian.
San Fermin jaiak ospatzeaz, Iruñeko Udalak dio "lanean" jarraitzen duela horiek prestatzeko, "osasun egoeraren bilakaera ikusita posible izango delakoan".
Atezaina eta entrenatzailea
Juan Carlos Unzuek (Orkoien, 1967) 300 partida baino gehiago jokatu zituen gizonezkoen futboleko Lehen Mailan. 1986-1987 denboraldian egin zuen debuta, Osasunan. Gerora, Bartzelona, Sevilla, Tenerife eta Real Oviedo taldeetan aritu zen.
Futbolari gisa, Europako Errekopa eta Espainiako Errege Kopa ditu irabazita (Bartzelonarekin jokatzen zuenekoan, 1989-1990).
Entrenatzaile gisa, Numantzia eta Santanderko Racing taldeak zuzendu zituen. 2013-2017 urteetan Celtaren eta Bartzelonaren bigarren entrenatzaile izan zen Luis Enriquerekin. Blaugranek Txapeldunen Liga bat, bi Liga, hiru Errege Kopa, Munduko Kluben Txapelketa bat eta Europako Superkopa bat irabazi zituzten garai hartan.
Ondotik, Celta eta Girona taldeen lehen entrenatzaile izan zen.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.