Joseba Segura, Bilboko gotzaina: "Abusuei buruzko lekukotza gehienak sinesgarriak dira"
Bilboko Gotzaitegiak iragarri duenez, Derioko apaiztegi zaharrean eta Erruki Etxean gertatutako ustezko sexu-abusuen ikerketa erakunde independenteen esku utziko du. Izan ere, ikerketa "espezifikoak" behar dituzte.
Joseba Segura Bilboko gotzainak Elizbarrutiko Pastoral Kontseilua aurkeztu du larunbat honetan. Organo horrek Bizkaiko Elizbarrutiko estamentu desberdinak ordezkatzen ditu, ekintza pastoralak ikertu eta balioztatzeko.
Segura pil-pilean dagoen sexu-abusuen gaiaren inguruan aritu da. Adierazi duenez, "gure historiaren alde ez hain polita onartzeko aukera da".
Batzordearen lana eskertu du gotzainak, "oso ondo lan egiten" ari direlako, "euren esperientzia azaltzera bertaratzen diren biktimek" berretsi bezala. Azaldu duenez, "entzundako esperientziak serio hartzen dituzte"; gerturatzen diren pertsonek "partekatu ezin izan dituztenak, eta urte askotan zehar sufrimendu-iturri izan direnak".
Gaineratu du "lekukotza gehienak sineskorrak" direla, "zenbait pertsonak pentsa dezaketenaren aurka". Gainera, gai horretan sakondu du, esanez "Elizari min egiteko gauzak asmatzeak" ez duela "inongo justifikaziorik".
Haren aburuz, badira ikerketa espezifikoa eskatzen duten egoera zehatzak eta, horregatik, erakunde independenteen esku utziko dituzte. Horiek dira Derioko apaiztegiaren eta Erruki Etxearen kasuak.
Hasierako agurrean, aholkulariek egin beharko duten lana izan du hizpide Segurak. Funtsean, lan horrek "hurrengo Elizbarrutiko Ebanjelizazio Planaren lanketa" izango du ardatz. Elizbarrutiaren bide-orria izango da plana.
Era berean, nabarmendu du prest dagoela azken txostena. "Elizak nahi duenari" buruzko kontsultaren ostean, Madrilera bidaliko dute, eta hortik Batikanora.
Zure interesekoa izan daiteke
Parapentista bat larri zauritu da Baigura mendian, Lapurdi eta Baxe Nafarroako mugan
25 urteko gaztea erori eta maldaren kontra jo zen larunbat goizean. Lekuko batek eman zuen istriparen berri eta larrialdi zerbitzuek erreskatatu ondoren, Baionako ospitalera eraman zuten larri zaurituta.
Izurde bat hilda agertu da Zumaiako Itzurun hondartzan
Goizean goiz hondartzan paseatzen ari ziren lagun batzuek eman dute abisua. Dirudienez, egunak zeramatzan hilda bi metro luze inguru zituen izurdea, eta azken egunetako itsaso zakarrak eraman du hondartzaraino.
'Errespetua' ekimena abiatu du Bizkaiko Foru Aldundiak Eskola Kirolean, gurasoen jarrera desegokiak goraka doazela ikusita
Larunbat honetatik aurrera, eskubaloi, futbol eta saskibaloi partiden aurretik, “Errespetua” leloa duen pankarta erakutsiko dute Eskola Kirolean parte hartzen duten neska-mutilek. Familiei tentsioa baretzeko deia egin nahi diete horrela, sarritan gurasoen aldetik baitatoz jokabide txarrak. Irain gehienak epaileek jasotzen dituzte.
Herritarrek eta erakundeetako ordezkariek ozen salatu dute Sarrigurengo hilketa matxista
Eguesibarko Udalak deituta, ehunka pertsona bildu dira arratsaldean Tatianaren hilketa gaitzesteko. Ustezko hiltzaileak, 30 urteko bikotekideak, amari (biktimaren amaginarreba) ere eraso zion. Zorionez, ez dago hiltzeko arriskuan.
J'accuse kanpainako ekintzaileek migrazio politiken biktimak omentzeko horma-irudia egin dute
Bestalde, duela bi urteko Korrikaren lehen egunean 36 pertsona migratzaileri muga igarotzen laguntzeagatik auzipetutako 7 lagunen absoluzioa txalotu dute, "garaipen ederra" izan delako.
Festa giroa Valentzian, Kosner Baskoniari Kopa irabazten laguntzeko helburuarekin
Ospakizun gaua igarota, txarangaren erritmora esnatu dira zaleak. Kosner Baskoniak gaur gauean jokatuko du Errege Kopako finalerako txartela eskuratzeko partida erabakigarria, Bartzelonaren aurka.
Ibilgailu batek su hartu du Arantzazun, biribilgune baten ondoan matxuratuta
Ibilgailu batek su hartu du larunbat goizean Arantzazun, biribilgune baten ondoan, matxura mekaniko baten ondorioz. Ez da inor zauritu, baina garrek inguruan zeuden edukiontziak kiskali dituzte.
Sarrigurengo hilketa matxista salatzeko elkarretaratzea egin dute Iruñean
Itaia talde feministak deituta, dozenaka pertsona elkartu dira Iruñeko Udaletxe plazan, Sarrigurenengo hilketa matxista eta "indarkeria matxista egiturazkoa" dela salatzeko.
Gizon batek emaztea hil du eta ama larri zauritu Sarrigurenen
Hilketa matxista ostiral arratsaldean jazo da, bikotearen etxean. Eguesibarko Udaleko Bozeramaileen Batzordeak hilketa gaitzetsi du, eta hiru dolu egun ezarri ditu eta elkarretaratzea deitu du gaurko.
Eguesibarko Udalak Sarrigurengo hilketa salatzeko hiru dolu egun ezarri ditu eta gaitzespen bilkura deitu du gaurko
Bozeramaileen Batzordeko talde guztiek adierazpen instituzionala onartu dute hilketa matxistaren kontra, baita indarkeria matxista adierazpen ororen kontra ere. Gertatutakoa "erabat gaitzetsi" eta euren haserrea adierazi dute. Elkarretaratzea 17:00etan egingo dute udaletxearen aurrean.