Milaka pertsona atera dira Euskal Herrian, bakea aldarrikatzeko eta errusiar inbasioa gaitzesteko
Milaka pertsona atera dira igande honetan Euskal Herriko zenbait hiriburutan, Ukrainan bakea aldarrikatzeko, inbasioari gaitzespena adierazteko eta Errusiaren aurkako zigor "zorrotzagoak" eskatzeko. Era berean, Giza Eskubideak eta "europar balioak" defendatzeko beharra nabarmendu dute.
EAEko manifestazioak garapenerako lankdetzan lan egiten duen Ukraina-Euskadi elkarte soziokulturalak antolatu ditu, eta 12:00etan atera dira Bilboko Jesusen Bihotza plazatik, Donostiako Kurtsaaletik eta Gasteizko Bilbao Plazatik. Baionaren kasuan, 15:30ak aldera abiatu da martxa.
Bizkaiko hiriburuan, ehundaka pertsona izan dira, Ukrainako banderak zeramatzatela eta "gerraren eta diktaduraren" aurkako oihu artean. Gainera, globo urdinak eta horiak ere eraman dituzte, eta askotariko pankartak. Besteak beste, "Ukraina urrun dago, baina arriskua gertu dago" bezalako mezuak irakur zitezkeen horietan, edo Vladimir Putin presidente errusiarra "hiltzaile" gisa definitzen zutenak.
Antolatzaileek ohartarazi dutenez, "ukrainar herriaren genozidio baten aurrean gaude, eta errusiar propaganda ere ez da hori ezkutatzen ahalegindu". Azpimarratu dute kapitulazioa heriotzaren sinonimo dela ukrainarrentzat, eta desberdintasun bakarra dela "geldo eta mingarriagoa" izango dela.
Martxan zehar nabarmendu dute Ukraina herrialde libre eta independentea dela, eta ukrainarrek ezin dietela "euren arbasoei hutsik egin". Hala, ekitera gonbidatu dituzte NATO osatzen duten herrialdeak.
Era berean, "Errusiaren aurka zigor zorrotzagoak eta berehalakoak" ezartzearen alde egin dute, eta eskatu dute Errusiarekin nazioarteko merkataritza oro eteteko, "euren gas eta petrolio esportazioak blokeatuz, bereziki".
Manifestazioak, Europa osoan
Gainera, europar hiriburu ugaritan izan dira Ukrainaren aldeko mobilizazioak azken egunotan. Igande honetan, 100.000 pertsona inguru atera dira Berlinen, aldarrikatzeko "historia ez litzatekeela errepikatu behar".
Larunbatean ere, Bartzelona, Frankfurt, Helsinki edo Brusela, besteak beste, protesten agertoki bilakatu ziren.
Zure interesekoa izan daiteke
30 urtean 2.000 gibel-transplante egin ondoren, mundu mailako erpinean dago EAE
Euskadin gibeleko lehen transplantea egin eta hiru hamarkada igaro direnean, Euskal Osasun Zerbitzuak halako ia 2.000 transplante egin ditu, urtean 75 inguru, eta mundu mailan lehen postuan dago, milioi biztanleko 60 transplanteko tasarekin, mendebaldeko herrialdeetako batez bestekoa halako hiru.
EHUra bideratutako ohiko finantza ekarpena jardueraren araberakoa izatea aurreikusten du Jaurlaritzak
Ikerketari lotutako kalitatezko unibertsitatea, nazioarteko testuinguruan garatzea eta gizarte konpromisoa izatea. Horiek dira Eusko Jaurlaritza prestatzen ari den Unibertsitate Lege berriaren oinarriak. Aurreproiektua azarorako legebiltzarrera iristea da asmoa.
4 urte eta 6 hilabeteko zigorra, 7 urteko neskato bati tratu txarrak ematea eta sexu-ukituak egitea leporatuta, Iruñean
Adingabea 2015ean jaio zen, eta "akusatuak jo ohi zuen; batzuetan, gerrikoarekin, beste batzuetan eskuekin, eta zigorrak ezartzen zizkion, paretaren aurrean besoak altxatuta egotera behartzen zuen".
Euskal Herriko mugimendu feminista bi plataformatan iritsiko da M8ra
Besteak beste, koordinakunde abolizionista bat sortu da, eta mugimendu feministaren erantzunek agerian uzten dute prostituzioaren eta trans kolektiboaren inguruan, berbarako, hainbat iritzi daudela.
14 urteko espetxe-zigorra ezarri diete bi gizoni, Bilbon neska bati sexu erasoa egiteagatik
23 eta 22 urteko gizonak aurrez ezagutzen zuten neska mozkor zegoela baliatu zuten bietako baten pisuan eraso egiteko, 2024ko abuztuan. Audientziaren ustez, zigortuek "emakumea objektu edo panpina gisa tratatu zuten, maila goreneraino".
Txorierriko igarobidean auto-ilarak eratu dira, Bilborako noranzkoan, istripu baten ondorioz
Hainbat ibilgailuk talka egin dute, Lezama parean.
Albiste izango dira: Otsailaren 23ko paperak, Goya sarien atarikoa eta tentsioa Kuba eta AEB artean
Gaurkoan Orain-en albiste izango direnen laburpena, bi hitzetan.
Osasunak ikerketa batzorde bat sortuko du, Sadarren izandako istiluengatik
Nafarroako taldearen Zuzendaritza Batzordea kezkatuta agertu da partidaren ostean izan zen indarkeriaren aurrean, eta futbol-zelaiko segurtasuna noren esku geratuko den eztabaidatuko du.
Zer dakite gazteek frankismoaz?
500 gazte baino gehiago bildu ditu Gogorak, frankismoaren inguruko mitoak desmuntatzeko. Diktadura idealizatzen duten diskurtsoen gorakadaren aurrean, memoria demokratikoa indartzea izan du helburu BEC!-eko jardunaldiak.
Euskadiko adinekoen artean oso zabalduta dago jokoa, baina joko problematikoko kasuak oso urriak dira
Jokoaren Euskal Behatokiak egin duen '65 urtetik gorako pertsonak eta jokoa Euskadin' txostenak erakusten duenaren arabera, jokoa gehiago lotzen da tradizioarekin eta entretenimenduarekin adikzio-jokabideekin baino. Bingen Zupiria Segurtasun sailburuak eta Ixone Fernández de Labastida EHUren Arabako Campuseko errektoreordeak gaur aurkeztu dute ikerketa, otsailaren 17an izaten den Joko Arduratsuaren Nazioarteko egunaren harira antolatutako jardunaldian.