Auzipetuak buruko gaitzen bat zuenik ukatu dute Gasteizko hilketa bikoitzaren biktimen lagunek
Gasteizen duela lau urte izandako hilketa matxista bikoitzaren biktimen lagunek eta senitartekoek hartu dute hitza epaiketaren bigarren saioan. Guztiek ukatu dute akusatuak buruko gaitzen bat zuenik, eta pertsona "kontrolatzailea, matxista, bekaiztia eta egoskorra" zela esan duten.
Arabako Lurralde Auzitegian ari dira epaitzen 2018ko apirilean ustez emazte eta amaginarreba ohiak labankadaz hil zituen gizona. Fiskaltzak 50 urteko espetxe zigorra eskatu du harentzat, bi hilketa delitu egotzita. Gainera, ahaidetasunaren eta generoaren larrigarriak ezarri dizkio fiskalak.
Herri akusazio gisa aurkeztu den Clara Campoamor elkarteak, berriz, 60 urteko zigorra eskatu du, bi delituetan basakeriaren larrigarria gehituta. Biktimaren familiaren abokatuak, bestalde, 55 urteko kartzela galdegin du. Honek ere basakeriaren larrigarria gehitu dio zigorrari.
Atzoko saioan, abokatuaren galderei soilik erantzun zien auzipetuak. Haren hitzetan, semeei ordaindu behar zien pentsioaren gainean sesioa izan zuen emaztearekin, 2017an banandu ostean. Horrek depresioa eragin ziola, lanean baja hartu behar izan zuela eta bere buruaz beste egiteko saiakera ere egin zuela adierazi zuen.
Gaur, bestalde, biktimen izeba eta ahizpak deklaratu du. "Akusatua oso ondo zegoen, ez zeukan buruko gaixotasunik. Gizon jeloskorra eta bekaizkorra zen. Ez zuen umenganako inolako ardurarik erakusten", azaldu du.
Biktimaren bi lagunek hartu dute hitza geroago. Biek ala biek onartu dute ustezko hiltzaileak ez zeukala inolako arazorik.
Auzipetuaren bi adiskidek ere deklaratu dute. Harekin bizitako hainbat momentu izan dituzte gogoan. Zehazki, ziurtatu dute behin baino gehiagotan esaten zuela emazte ohiak bizitza zapuztu ziola, eta sarritan erakutsi zuela hari (semeen bidez) min egiteko asmoa.
Biktimetako baten abokatuak ere hitz egin du. Biktimak kontatu omen zion gizonak haurrak "psikologikoki zapaltzen zituela", eta bisiten erregimena aldatu nahi zuela. "Elkarrizketa hartatik ondorioztatu nuen genero indarkeria kasu bat zela, eta gizonaren jokabideak okerrera egin zezakeela", aitortu du.
Bukatzeko, akusatuaren aitak ez du semearen aurkako testigantzarik eman nahi izan.
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako ospitalera. Atxilotuak komisaldegian jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean ustez bere bikotekideak hil zuen Basaurin, baina sortzez Berangokoa zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.