Pello Otxandiano: "Herri akordio bat osatzen saiatu behar gara, euskal hezkuntzaren oinarriak ezartzeko"
EH Bilduko Programa zuzendari Pello Otxandianok agerraldia egin du astelehen honetan, Hezkuntza Legearen zirriborroaren nondik norakoak ardatz hartuta. Izan ere, Legebiltzarreko taldeek martxoaren 18ra arte izango dute horren inguruan negoziatzeko epea.
Gaur bertan, zirriborro horri aurkeztuko dizkioten zuzenketen berri eman dute Legebiltzarreko taldeek. EH Bilduk 46 emendakin aurkeztuko ditu, guztira, "testua aberasteko, hobetzeko eta zehazteko asmoarekin". Zuzenketek, baina, badute beste helburu bat ere, Otxandianoren esanetan: "Hezkuntza hitzarmenak gutxienez hiru puntu hauek bete behar ditu: legearen garapen programatikoa, segregazioaren aurkako ituna eta eskola planifikazioarekin lotutako konpromiso zehatz bat.
"Atzera begiratuz gero, hezkuntza sistemaren ponentzia martxan jarriz abiatu genuen ikasturtea. Horrek aurrekaria ekarriko du Legebiltzarrean aurrera begirako lege eta egitasmoei dagokienez, gisa horretako eztabaida prozesu bat egiten den lehenengo aldia baita", esan du.
Horrekin lotuta, EH Bilduko Programa zuzendariak azpimarratu du akordio garrantzitsu bat egiteko bidean daudela. "EH Bilduk negoziaketarako talde bat izendatu du. Maddalen Iriarte, Ikoitz Arresek eta nik neuk osatuko dugu. Jaiotze tasak behera egin du, segregazioa handitu egin da eta euskalduntzean atzerakada gertatu da. Horrek esan nahi du kolapso baten atarian egon gintezkeela. Neurri sendoak hartu behar ditugu, egiturazko aldaketa behar da, iraultza pedagogikoa. Ez da aukera gauden honetan geratzea. Herri akordio bat osatzen saiatu behar gara, euskal hezkuntzaren oinarriak finkatzeko. Ezin dugu aukera hori atzean utzi", adierazi du.
Gauzak horrela, erantzukizunez jokatzeko deia egin die gainerako alderdiei (EAJ, PSE-EE eta Elkarrekin Podemos). "Gure artean eztabaidatu, adostu eta testua osatu behar dugu. Guk, gure aldetik, gure esku dagoen guztia egingo dugu akordio hori posible izan dadin", azpimarratu du.
Esan bezala, Legebiltzarreko taldeek hilaren 18ra arte izango dute hezkuntza legearen nondik norakoak negoziatzeko. Zirriborroari aurkeztutako zuzenketak orduan bozkatuko dituzte taldeek, eta bertatik aterako da irizpena. Behin betiko testua martxoaren 28an da onartzekoa Batzordean, eta apirilaren 7an, osoko bilkuran.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.