Legebiltzarreko taldeek martxoaren 18ra arte izango dute hezkuntza legearen nondik norakoak negoziatzeko
Euskal Autononomia Erkidegoko (EAE) etorkizuneko hezkuntza legea onartzeko prozesuak badu egutegia. Eusko Legebiltzarreko Lantaldeak zehaztutakoaren arabera, taldeek martxoaren 18ra arte izango dute arauaren nondik norakoak negotziatzeko, egun horretan bozkatzekoak baitira zirriborroari aurkeztutako zuzenketak. Bozketa horretatik irizpena aterako da, eta behin betiko testua hilaren 28an bozkatuko dute Batzordean, eta apirilaren 7an, Legebiltzareko osoko bilkuran.
Legearen oinarriak zehazteko Legebiltzarrean osatutako lantaldea goizean bildu da egutegia zehazteko.
Bileraren ondotik, oharra kaleratu du Elkarrekin Podemos-IU taldeak, eta "aldez aurretik akordioa lortzeko borondate falta" deitoratu du. Ezkerreko koalizioak zirriborra "adierazpenetatik harago" joatea nahi zuen, eta horren aldeko proposamena egin du. EAJ, PP+Cs eta Vox taldeak kontra agertu dira, eta beraz, ekimena ez da aurrera atera. PSE-EEk ez du iritzirik eman, eta EH Bilduk alde bozkatu du.
"Hezkuntza publikoaren alde gaudela esan dezakegu, adibidez, baina konpromiso zehatzik gabe, ezerezean geratzen da", adierazi du taldeak oharrean. Hala, proposatutako dokumentuan hainbat konpromiso programatiko sartu dituzte, "neurri zehatz, ebaluagarri eta neurgarriez". Agiri zehatz bat aldez aurretik adostea "keinu positiboa eta borondate onekoa" izan ziteekeen koalizioaren ustez, baina asmo hori bidean geratu dela deitoratu du. "Itunak adostasun zabala izatea nahi badugu, ezin dugu dokumenturik sortu konpromisorik gabe", erantsi du.
Hain justu, ideia hori azpimarratu du goizean, Euskadi Irratian egin dioten elkarrizketa batean, Miren Gorrotxategi koalizioko bozeramaileak.
Bien bitartean, Eusko Legebiltzarraren kanpoaldean, protesta egin dute Euskal Eskola Publikoaz Harro topaguneko ordezkariek.
Zure interesekoa izan daiteke
Zangozan desagertutako 84 urteko emakume baten gorpua aurkitu dute
Bilaketa hasi eta gutxira, 20:00ak aldera, desagertutako 84 urteko emakumearen gorpua aurkitu dute. Heriotzaren arrazoia argitzeko ikerketa abiatu du Foruzaingoak. Vadoluengoko San Adrian elizaren inguruan topatu dute haren gorpua.
Elkarbizitza arazoak bainularien eta erabiltzaileen artean Euskal Herriko portuetan
Uretara salto egitea ohikoa da Euskal Herriko portuetan, debekatuta dagoen arren. Hori dela eta, bizikidetza-arazoak sortzen ari dira. Zenbait portutan jokabide arriskutsuak ikusten dira eta kalteak izan dira ontzietan. Eusko Jaurlaritzak egoeraren larritasunaz ohartarazi du, eta 2.000 eta 12.000 euro arteko isunak ezar daitezkeela gogoratu du.
Euri eskasiak hilabete eta erdi aurreratu du transhumantzia Nafarroan
Pirinioetatik Bardearako bidean, Enrique Ballent artzain transhumantearekin izan gara. 1.800 buruko artaldea gidatuko du, bazka bila. Izan ere, klima aldaketaren kontraesanak tarteko, jateko gehiago dago basamortuan goi mendietan baino.
Oiartzunen ustez pistolarekin egindako hiru lapurreten egilea atxilotu dute Hondarribian
23 urteko gaztea espetxeratu egin dute. Lapurretetan erabilitako arma fogeo-pistola bat zela egiaztatu dute.
Gizon bat atxilotu dute Getxon, kalean emakume bati sexu erasoa egiten harrapatu ostean
Erasoa 05:00etan jazo da, Algorta auzoan, San Inazio jaietan. 19 urteko biktima Gurutzetako Ospitalera eraman dute. Algortako Mugimendu Feministak eraso matxista salatzeko bilkura egin du igande arratsaldean.
Auroroek Andre Maria Zuriaren jaien etorrera iragarri dute
Urtero bezala, Gasteizko hirigunea eta Alde Zaharra zeharkatu dituzte zaindariaren omenezko kantuekin, jai-giroari hasiera emanez.
Testigantza berriek agerian utzi dituzte Mitikako zaindariek Kerman Villate hil aurretik behin eta berriz egindako erasoak
Gasteizko diskoteka horretako segurtasun-langileek Kerman hil aurreko hilabeteetan egindako eraso jakin batzuen berri eman dute lau gaztek Radio Euskadin, esklusiban, erreportaje batean. Kasu guztiak Ertzaintzaren aurrean salatu zituzten.
Bizkaiko Aldundiak zisterna kamioiak eramango ditu Karrantzara ur hornidura bermatzeko
Astelehenetik ostiralera, 250 metro kubiko garraiatuko ditu egunero foru erakundeak Enkarterriko udalerriko hornidura bermatzen laguntzeko.
17 urteko gizonezko bat atxilotu dute Gipuzkoan, adingabeak estortsionatzen zituen 764 Sarearen Espainiako buruzagitzat jota
Ertzaintzak, Esquadra Mossoek eta Guardia Zibilak elkarlanean egindako operazioan atxilotu dute, 2026ko urtarrila eta apirila bitartean ikastetxeen, udalen eta beste erakunde batzuen aurkako mehatxu ugari bidali izana egotzita.
Ikuskizunetako teknikariek abuztuaren 5erako deitutako grebarekin bat egingo dute Gasteizko txosnek
45 ikuskizun izango dira txosnetan, eta, horrez gain, beste hamaika proposamen kolektibo ezberdinen eskutik. Dozenaka kolektibok eta ehunka boluntariok dihardute egunotan auzolanean txosna gunea egokitzen. Testuinguru horretan, ikuskizunetako eta ekitaldietako teknikariek abuztuaren 5erako deitutako greba egunarekin bat egingo dute.