Artolazabal: "Dena antolatu nahian gabiltza Ukrainatik errefuxiatu uholdea heltzen denerako"
Berdintasun, Justizia eta Gizarte Politiketako sailburu Beatriz Artolazabal Radio Euskadiko 'Boulevard' saioan izan da astearte honetan, non, besteak beste, gerratik ihesi, egunotan Euskadira iritsi diren ukrainarrei buruz mintzatu den.
"Egunetik egunera aldatu egiten da handik iritsitako pertsona kopurua. Irunen, Oñatin, Tolosan eta Berrizen ostatu eman diegu horietako askori. Gainera, errefuxiatuak@euskadi.eus helbide elektronikoaren bidez hainbat euskal herritarrek beren etxeak eskaini dituzte. Gure asmoa da eskaintza horiek guztiak ahalik eta modu egokienean kudeatzea. Horretarako, datozen orduetan erakundeen eta elkarte ezberdinen arteko elkarlan dokumentu bat itxiko dugu", esan du.
Haatik, zehaztu du, Ukrainatik heldutako pertsonen profilak aztertu behar dituztela lehenik eta behin, "horien egoera legeztatzeko, eta, modu arinean, behar dituzten baliabideak bilatzeko". "Hekuntza eta Osasun Saila lanean dabiltza erantzun azkar baten bila, bereziki, txikienen eskolaratzea posible egiteko. Dena antolatu nahian gabiltza, Ukrainatik errefuxiatu uholdea iristen denerako. Batez ere, handik datozen emakume eta haurretan jarri nahi dugu arreta", nabarmendu du.
Jende uholde hori noizko espero duten galdetuta, Artolazabalek aurreratu du Ministerioak ez diela oraindik horren inguruko informaziorik eman. "Beharrak aztertuko ditugu, eta erantzunik onena ematen ahaleginduko gara", adierazi du. Halaber, gogora ekarri du munduko beste herrialde batzuetatik ere errefuxiatuak heltzen ari direla. "Gerra gehiago ere badaude, eta horietatik alde egin nahian daudenek ere laguntza behar dute Euskadira heltzen direnean. Maila ematen saiatu behar gara", azpimarratu du.
Bukatzeko, oso pozik agertu da euskal herritarrek erakutsitako elkartasunarekin.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.